Ӧксыяслӧн 1 небӧг 11:7 - Коми Библия 2023

⁷ Сійӧ босьтіс кык ӧшкӧс да кераліс найӧс, яйторъяссӧ ыстіс юӧр вайысьяскӧд став Израиль му пасьтала да тшӧктіс шуны: ”Коді оз пет тышӧ Саулкӧд да Самуилкӧд, сылысь ӧшъяссӧ тадзи жӧ лоӧ кералӧма”. Господьысь полӧм босьтіс войтырсӧ, и найӧ ставныс ӧтитӧг мунісны Саул бӧрся.

Ӧксыяслӧн 1 небӧг 11:7 Referans Kwoze

Ёрдысьяс 19:29

Гортас воӧм бӧрын левит босьтіс пурт да вундаліс кесйӧг-гӧтырсӧ дас кык пельӧ, сэсся вир-яй юкӧнъяссӧ мӧдӧдаліс Израиль му пасьтала.

Ёрдысьяс 20:1

Войвыв Дансянь лунвыв Бер-Шеваӧдз став Израиль войтыр, тшӧтш Галаад муын олысьяс, быттьӧ ӧти морт чукӧртчисны Миспаӧ Господь водзӧ.

2 Каднебӧг 17:10

Иуда му гӧгӧр олысь войтыръяс пӧвстӧ Господь ыстіс ыджыд полӧм, та вӧсна найӧ эз лысьтны тыш панны Иосафаткӧд.

2 Каднебӧг 14:14

Найӧ пасьвартісны Герар гӧгӧрысь став карсӧ, ӧд сэні олысьяс пӧвстӧ Господь ыстіс ыджыд полӧм. Иудаса тышкайӧз куштісны став тайӧ каръяссӧ да нуисны сэтысь зэв уна эмбур.

Олӧм 35:5

Найӧ [петісны Сикемысь,] мӧдӧдчисны туйӧ. Матігӧгӧр каръясын олысьясӧс ыджыд полӧм босьтіс Енмысь, та вӧсна Яковлысь пиянсӧ эз вӧтӧдны.

2 Каднебӧг 19:7

Полӧй Господьысь, ставсӧ вӧчӧй веськыда, ӧд Господь, миян Енным, мустӧмтӧ пӧръясьӧм, леститчӧм да козин босьтӧм».

Исай 8:13

Вежавидзӧмӧн вылӧ пуктӧй Господь Саваофӧс! Сыысь полӧй, Сыысь тіралӧй!