Ӧксыяслӧн 1 небӧг 10:19 - Коми Библия 2023

¹⁹ Но ті ӧтдортінныд ассьыныд Еннытӧ, коді мездӧ тіянӧс быд лёксьыс да сьӧкыдлунсьыс. Ті шуинныд Сылы: ”Пукты миянлы ӧксыӧс”. Сідзкӧ, ӧні сувтӧй Господь водзӧ – быдӧн асланыд чужанкотыр да рӧд сертиныд».

Ӧксыяслӧн 1 небӧг 10:19 Referans Kwoze

Ӧксыяслӧн 1 небӧг 12:12

Ӧксынас тіян вӧлі Господь, тіян Енныд. Но кор ті аддзинныд, мый аммон войтырлӧн Нахаш ӧксы уськӧдчӧ тіян вылӧ, ті шуинныд меным: ”Миянлы колӧ ӧксы, сійӧ мед ыджыдалас миян вылын”.

Ӧксыяслӧн 1 небӧг 8:19

Израиль войтыр эз кӧсйы кывзыны Самуилӧс, найӧ шуисны: «Мед ӧксы ыджыдалас миян вылын.

Нав Исус 24:1

Исус чукӧртіс Израильлысь став чужанкотырсӧ Сикемӧ, корис юрнуӧдысьясӧс, юралысьясӧс, ёрдысьясӧс да веськӧдлысьясӧс. Найӧ ставныс сувтісны [Господь] Ен водзӧ.

Микей 5:2

Виплием-Епрафа, тэ Иуда рӧдысь медічӧтыс! Но Виплием карысь петас Меным Сійӧ, коді лоӧ Израильын Юралысьӧн. Сылӧн петӧм-чужӧмыс важысянь на, нэмъяс пуксьытӧдз.

Лыд 17:2

«Висьтав Израиль пиянлы, мед быд чужанкотырысь юралысь ваяс тэныд бедь, ставнас дас кыкӧс. Быд бедь вылӧ гиж чужанкотырлӧн юралысьлысь нимсӧ.

Лыд 11:20

а тӧлысь чӧж, кытчӧдз тіянӧс оз кут вукӧдны, и вомсьыныд яйыс бӧр оз кут петны. Тадзи лоӧ сыысь, мый ті мустӧмтінныд Господьӧс, коді олӧ тіян пӧвстын, да сыысь, мый ті Господь водзын бӧрдінныд-шуалінныд, мыйла нӧ ми петім Египетысь».

Индӧд 17:14

«Кор ті локтанныд сійӧ муас, мый Господь, тіян Енныд, сетас тіянлы, босьтанныд сійӧс аслыныд да овмӧдчанныд сэтчӧ, и кӧсъянныд, медым тіян гӧгӧр олысь войтыръяслӧн моз тіян тшӧтш вӧлі ӧксы,

Ёрдысьяс 8:23

Гедеон шуис налы: «Ме ог ло тіянлы юралысьнас, и пиӧй оз ло. Тіян юралысьныд – Господь».

Ӧксыяслӧн 1 небӧг 10:20

Самуил тшӧктіс матыстчыны израильса быд чужанкотырлы. На пиысь пудъясьӧмӧн вӧлі бӧрйӧма Веняминлысь чужанкотырсӧ.

Ӧксыяслӧн 1 небӧг 14:23

Сійӧ лунӧ Господь мездіс Израиль войтырӧс. Тышыс воис Бет-Авенӧдз. [Саулкӧд ставнас йӧзыс вӧлі дас сюрс морт. Тышыс муніс Ефрем керӧсвыв му пасьтала, став карас.]

Ӧксыяслӧн 1 небӧг 14:38

Сэки Саул корис ас дінас став израильса юралысьсӧ да шуис: «Тӧдмалӧй, коді мыжсӧ вӧчис.

Шусьӧгъяс 16:33

Паськӧм дорышӧ пудсӧ шыбитан, но кодлы пудйыс усяс – тайӧ Господьсянь.

Ӧксыяслӧн 1 небӧг 3:21

Сы бӧрын, кор Господь восьтіс Асьсӧ Самуиллы, Господь унаысь петкӧдчывліс Силомын. [Став Израиль му пасьтала йӧзыс эскисны, мый Самуил – Господьлӧн пророк. Илий ёна нин пӧрысьмис, а сылӧн пияныс водзӧ олісны шогмытӧма Господь водзын.]

Ӧксыяслӧн 1 небӧг 4:1

[Филистимсаяс чукӧртчисны, мед тышкасьны израильсаяскӧд.] Самуил сёрнитіс став Израиль войтыркӧд, и израильсаяс петісны тышӧ филистимсаяслы паныд. Израильса тышкайӧз сувтісны Эвен-Эзер бокӧ, а филистимсаяс – Афек бокӧ.

Ӧксыяслӧн 1 небӧг 8:5

Найӧ шуисны сылы: «Тэ пӧрысь нин, а тэнад пияныд оз ветлыны тэнад туйӧд. Инды ӧксыӧс, мед сійӧ лоас миянлы ёрдысь-веськӧдлысьӧн. Мукӧд войтыръяслӧн тай эмӧсь ӧксыяс».