Ӧксыяслӧн 1 небӧг 1:3 - Коми Библия 2023

³ Быд во, урчитӧм лунъясӧ, Элкан ветлывліс Силом карӧ, мед юрбитны да вись вайны Господь Саваофлы. Попъясӧн сэні вӧліны Илийлӧн кык пиыс: Офни да Пинес.

Ӧксыяслӧн 1 небӧг 1:3 Referans Kwoze

Лука 2:41

Быд во Ыджыд лун кежлӧ Исуслӧн бать-мамыс ветлісны Ерусалимӧ.

Нав Исус 18:1

Став Израиль войтыр чукӧртчис Силомӧ да сувтӧдіс вежа чом. Муыс вӧлі израильсаяслӧн киын,

Петӧм 34:23

Куимысь вонас став айуловныд мед локтасны Господь Ыджыдыс водзӧ, Израильлӧн Ен водзӧ.

Петӧм 23:14

«Куимысь вонас пасйӧй Меным сиӧм гаж.

Ӧксыяслӧн 1 небӧг 1:21

Кор Элкан став аслас гортсакӧд бара мӧдӧдчис Силомӧ, мед вайны Господьлы быдвося вись да кыв сетан вись [да аслас мувыв быдтасысь дасӧд юкӧнсӧ],

Ӧксыяслӧн 1 небӧг 1:9

Ӧтчыд Силомын сёйӧм-юӧм бӧрын Анна сувтіс [Господь водзӧ юрбитны]. Господьлӧн керка ӧдзӧс дорын пукаліс Илий поп аслас пуклӧсын.

Индӧд 16:16

Куимысь вонас став айуловныд мед локтасны Господь Енныд водзӧ сійӧ местаас, мый Господь бӧръяс. Сэні пасйӧй Шомтӧм нянь сёян лунъяс, Ветымынӧд лунся гаж да Чом вӧчан лунъяс. Господь водзӧ куш киӧн мед некод оз лок,

Ёрдысьяс 18:31

Микейлысь бӧлбансӧ найӧ видзисны ас орданыс став кад чӧжыс, кор Енлӧн керкаыс вӧлі Силомын.

Ӧксыяслӧн 1 небӧг 4:11

Филистимсаяс мырддисны Енлысь кудсӧ, а Илийлысь Офни да Пинес пиянсӧ виисны.

Ӧксыяслӧн 1 небӧг 4:4

Херувимъяс вылын пукалысь Господь Саваофлӧн Йитӧд кудла мӧдӧдісны йӧзӧс Силомӧ. Кудсӧ вайысьяскӧд тшӧтш локтісны Офни да Пинес, Илийлӧн пияныс.

Ӧксыяслӧн 1 небӧг 3:13

Ме шулі Илийлы, мый Ме мыжда сылысь рӧдсӧ пыр кежлӧ. Мыжда сыысь, мый сійӧ тӧдіс пияныслысь пеж вӧчӧмсӧ, но эз ӧлӧд найӧс.

Ӧксыяслӧн 1 небӧг 2:34

Офни да Пинес пияныд куласны ӧти лунӧ, и тайӧ лоӧ тэныд пас, мый Менам кывъясӧй инасны.

Петӧм 23:17

Куимысь вонас став айуловныд мед локтасны Господь Ыджыдыс водзӧ.

Ёрдысьяс 21:19

Юрнуӧдысьяслы тӧд выланыс уси, мый Силом карын быд во пасйӧны Господьлы сиӧм гаж. Карыс сулаліс Левона карсянь лунвылын, Вефиль карсянь войвылын, Вефильсянь Сикемӧ мунан туй асыввылын.

Ӧксыяслӧн 1 небӧг 2:19

Быд во мамыс вурліс Самуиллы вылыс паськӧм да вайліс сійӧс, кор верӧсыскӧд воліс Силомӧ вись вайны.

Ӧксыяслӧн 1 небӧг 14:3

На пӧвстын вӧлі Ахий, Силомын Господьлы кесъялысь поп, кодлӧн вӧлі ефод. Ахий вӧлі Ахитувлӧн пи. Ахитув вӧлі Икаводлӧн вок, найӧ вӧліны Пинеслӧн пиян, а Пинес вӧлі Илий поплӧн пи. Сауллӧн йӧзыс эз тӧдлыны Ионафанлысь мунӧмсӧ.