Неемий 9:14 - Коми Библия 2023

¹⁴ Тэ сетін налы тшӧктӧм Аслад вежа шойччан лун йылысь, юӧртін Аслад Мӧисей кесйӧг пыр индӧд-тшӧктӧмъястӧ.

Неемий 9:14 Referans Kwoze

Езекиль 20:12

Ме инді налы шойччан лун. Тайӧ луныс лоӧ Ме да на костын пасӧн, медым найӧ тӧдісны, мый Ме – Господь, найӧс Вежӧдысь.

Олӧм 2:3

Ен бурсиис сизимӧд лунсӧ да вежӧдіс сійӧс, ӧд сэки шойччис став Аслас уджысь.

Езекиль 20:20

Видзӧй Менсьым вежа шойччан лунӧс. Тайӧ луныс лоӧ Ме да тіян костын пасӧн, медым ті тӧдінныд, мый Ме – Господь, тіян Енныд.

Петӧм 16:29

Видзӧдӧй, Господь сетіс тіянлы шойччан лун, та вӧсна квайтӧд лунӧ Сійӧ сетӧ тіянлы няньсӧ кык лун кежлӧ. Сизимӧд лунӧ мед некод оз пет аслас оланінысь».

Петӧм 16:23

Сійӧ вочавидзис: «Господь висьталіс, мый аски шойччан лун – Господьлӧн вежа шойччан лун. Талун пӧжалӧй, мый кӧсъянныд пӧжавны, да пуӧй, мый кӧсъянныд пуны, а мый онӧ сёйӧй, кольӧй аски кежлӧ».

Иоан 1:17

Индӧдсӧ вӧлі сетӧма Мӧисей пыр, а буралӧмыс да збыльыс воис Исус Кристос пыр.

Неемий 1:8

Казьтышт, мый Тэ шулін Аслад Мӧисей кесйӧглы: ”Ті кӧ эновтанныд Менӧ, Ме разӧда тіянӧс мукӧд войтыръяс пӧвстӧ.

Индӧд 5:31

А тэ кольччы татчӧ Мекӧд. Ме висьтала тэныд став индӧд-тшӧктӧмсӧ, мыйӧ тэ сэсся велӧдан найӧс. Мед на серти оласны сійӧ муас, мый Ме сета налы”.

Индӧд 4:45

Сійӧ висьталіс налы индӧд-тшӧктӧмъяссӧ Египетысь петӧм бӧрын [овтӧминын],

Индӧд 4:5

Ме велӧді тіянӧс индӧд-тшӧктӧмъясӧ, кыдзи тшӧктіс меным Господь, менам Енмӧй. Олӧй на серти сійӧ муас, кытчӧ ті мунанныд, медым босьтны сійӧс аслыныд.

Левит 27:34

Тайӧ тшӧктӧмъяссӧ Господь сетіс Мӧисей пыр Израиль пиянлы Синай керӧсын.

Петӧм 24:12

Господь шуис Мӧисейлы: «Кай Ме дінӧ керӧс вылӧ да виччысь тані. Ме сета тэныд изпӧвъяс, кытчӧ Ме гижи Индӧд да тшӧктӧмъяс, медым велӧдны войтырӧс».

Левит 19:3

Пыдди пуктӧй бать-мамнытӧ. Видзӧй Менсьым шойччан лунӧс. Ме – Господь, тіян Енныд.

Неемий 10:32

Ми кӧсйысям быд во сикельысь коймӧд пайсӧ сетны Енлӧн крамын кесъялӧм вылӧ:

Езекиль 20:11

Сэні Ме сеті налы индӧд-тшӧктӧмъясӧс, и на серти олысь видзас ассьыс олӧмсӧ.