Неемий 8:17 - Коми Библия 2023

¹⁷ Пленысь локтӧм израильсаяс ставныс вӧчисны аслыныс чомъяс да олісны сэні. Нав Исус кадсянь тайӧ лунӧдзыс Израиль войтыр эз вӧчлы тадзи. Нимкодясьӧмыс вӧлі вывті ыджыд.

Неемий 8:17 Referans Kwoze

2 Каднебӧг 8:13

Мӧисейлӧн Индӧдын урчитӧм висьяс сійӧ вайліс шойччан лунӧ, выль тӧлысь чужигӧн да куимысь вонас гажӧдчан лунъяс дырйи: Шомтӧм нянь сёян лунъясӧ, Ветымынӧд лунся гаж дырйи да Чом вӧчан лунъясӧ.

Ездра 3:4

Индӧдын гижӧм серти пасйисны Чом вӧчан лунъяс, быд лун вайисны сотан висьяс, мыйта вӧлі тшӧктӧма вайны сійӧ лунӧ.

Еврейяслы 11:13

Тайӧ эскысьясыс эз удитны босьтны Енсянь кӧсйысьӧмасӧ, но найӧ помӧдз видзисны эскӧмсӧ. Найӧ сӧмын ылісянь аддзылісны Енсянь кӧсйысьӧмасӧ да нимкодясисны сыӧн. Ас йывсьыныс найӧ шуалісны, ми пӧ тайӧ му вылас ветлысь-мунысьяс.

Еврейяслы 11:9

Эскӧмӧн Ӧвраам овмӧдчис кӧсйысьӧм муӧ да локтысь моз оліс сэні чомъясын. Сы моз олісны чомъясын Исаак да Яков, кодъяслы тшӧтш вӧлі сетӧма Енлысь кӧсйысьӧмсӧ.

Еврейяслы 4:8

Нав Исус кӧ вермис сетны шойччӧгсӧ Египетысь петысьяслы, Енмыс эськӧ эз нин висьтав кутшӧмкӧ мӧд лун йылысь.

Иоан 1:14

Кывйыс лоис мортӧн, Сійӧ оліс миянкӧд буралӧм-збыльнас тыр. Ми аддзылім Сылысь дзирдлунсӧ. Сӧмын ӧтка Пиыслы вуджӧ татшӧм дзирдлуныс Батьсяньыс.

2 Каднебӧг 35:18

Израильын тадзисӧ эз на пасйывны Ыджыд лунсӧ Самуил пророклӧн олан лунъяссянь. Весиг ӧти израильса ӧксы эз пасйывлы Ыджыд лунсӧ сідзи, кыдзи ӧні пасйисны сійӧс Иосей ӧксы, попъяс, левитъяс, став Иуда войтырыс, Израильысь локтӧмаяс да Ерусалимын олысьяс.

2 Каднебӧг 30:26

Ерусалимын вӧлі ыджыд гаж, татшӧм гажыс эз нин вӧвлы сэні израильса Соломон ӧксылӧн, Давид пилӧн, веськӧдлан кадсянь.

1 Каднебӧг 29:22

Сійӧ лунӧ найӧ ёна нимкодясьӧмӧн сёйисны-юисны Господь водзын. Давидлысь Соломон писӧ выльпӧв пуктісны ӧксыӧ да мавтыштӧмӧн сиисны Господьлы, а Садокӧс мавтыштӧмӧн пуктісны аркирейӧ.

Нав Исус 1:1

Кор Мӧисей, Господьлӧн кесйӧг, куліс, Господь шуис Навлӧн Исус пилы, Мӧисейлӧн отсасьысьлы:

Индӧд 16:15

Сизим лун чӧж пасйӧй Господьлы, асланыд Енлы, сиӧм гаж сійӧ местаас, мый Господь бӧръяс [медым сэні ті шыасинныд Сы дінӧ]. Господь, тіян Енныд, бурсиас тіянлысь быдтаснытӧ да уджнытӧ, та вӧсна сьӧлӧмсяньныд нимкодясьӧй.