Неемий 6:9 - Коми Библия 2023

⁹ Татшӧм ногӧн найӧ повзьӧдлісны миянӧс. Чайтісны, мый ми кияснымӧс лэдзам да дугдам уджавны. Но ме зільджыка на босьтчи уджас.

Неемий 6:9 Referans Kwoze

Псалтыр 138:3

Муна-ӧ ме, шойчча-ӧ, Тэ аддзан тайӧс, Тэ тӧдан менсьым туйясӧс.

1 Петыр 5:10

Тіянлы этша нин колис сьӧкыдавны. Та бӧрти буралӧмнас озыр Ен, коді корис тіянӧс Исус Кристос пыр Аслас бырлытӧм дзирдлунӧ, мед ёнмӧдас да зумыдмӧдас тіянӧс да вӧчас тыр-буръясӧн.

Еврейяслы 12:12

Сідзкӧ, ёнмӧдӧй лигышмунӧм кинытӧ да жебмӧм кокнытӧ!

Филипӧ 4:13

Ставсӧ верма менӧ ёнмӧдысь Исус Кристоскӧд!

Ефесӧ 3:16

Ме кора, мед дзирдлуннас озыр Ен Аслас Ловнас да выннас ёнмӧдас тіянлысь пытшкӧсса морттӧ,

2 Коринфӧ 12:9

но Господь шуис: «Тырмана тэныд Менам буралӧмӧй, ӧд Менам вынӧй медъёна тыдовтчӧ вынтӧмлун дырйи». Та вӧсна нимкодьпырысь ошйыся аслам вынтӧмлунӧн, медым Кристослӧн выныс тыдаліс ме пыр.

Исай 41:10

Эн пов, Ме тэкӧд, эн майшась, Ме – тэнад Енмыд. Ме ёнмӧда тэнӧ, отсала тэныд да кутышта тэнӧ Аслам веськыд киӧн.

Ӧксыяслӧн 1 небӧг 30:6

Став йӧзыс ёна шогсисны, быдӧн шогсис аслас ныв-пиыс вӧсна. Найӧ весиг кӧсйисны изъявны Давидӧс, та вӧсна сылы вӧлі вывті сьӧкыд.

Ефесӧ 6:10

Нӧшта вокъясӧй, ёнмӧдӧй асьнытӧ Господькӧд ӧтувъя олӧмас Сылӧн вермана выннас.

Еремей 38:4

Юралысьяс шуисны ӧксылы: «Тайӧ мортсӧ колӧ вины. Ӧд сылӧн кывъясысь карас кольӧм тышкайӧз да став войтырыс эбӧссьыс усьӧны. Тайӧ мортыс оз бурсӧ кӧсйы тайӧ войтырыслы, а сӧмын лёксӧ».

2 Каднебӧг 15:7

Но ті лоӧй зумыдӧсь, энӧ лэдзӧй кинытӧ, ӧд уджъяссьыныд лоӧ тіянлы тырдон».

Псалтыр 71:1

Соломон йылысь [Давидлӧн псалом]. Енмӧй, велӧд ӧксыӧс Тэ моз веськыда мыждыны, туйдӧд ӧксылысь писӧ Тэ моз веськыда вӧчны.

Псалтыр 56:3

Ме шыася Медвылысса Ен дінӧ, меным бурсӧ вӧчысь Ен дінӧ.

Неемий 6:14

Енмӧй, эн вунӧд, мый вӧчисны Тови да Санваллат. Эн вунӧд тшӧтш Ноадия пророк аньӧс да мукӧд пророксӧ, кодъяс повзьӧдлісны менӧ.

Псалтыр 68:35

Мед ошкасны Господьӧс енэжыс да муыс, саридзыс да сэні став олысьыс.

2 Каднебӧг 32:18

Сеннахиримлӧн йӧзыс еврей кыв вылын гораа горзісны тайӧ кывъяссӧ карса стен вылӧ чукӧртчӧм ерусалимса войтырлы, медым повзьӧдны найӧс да босьтны карсӧ.

Закар 10:12

Ме, Господь, ёнмӧда найӧс Аслам вынӧн, и найӧ пондасны овны Менӧ пыдди пуктӧмӧн, – висьталӧ Господь.

Ездра 1:6

Матігӧгӧр олысьяс сетісны налы эзысь дозмук-кӧлуй, зарни, эмбур, ыж-мӧс, уна донатор да козин.

Езекиль 30:24

Вавилонса ӧксылысь кисӧ ёнмӧда да сета сылы киас Ассьым шыпуртӧс, а фараонлысь кисӧ чега. Ёна дойдалӧмаӧн сійӧ пондас ымзыны-бӧрдны вавилонса ӧксы водзын.

Исай 40:29

Мудзӧмалы Сійӧ сетӧ вын, жебмӧмаӧс ёнмӧдӧ.