Неемий 6:8 - Коми Библия 2023

⁸ Ме мӧдӧді сылы воча кыв: «Татшӧмторйыс, мый йылысь тэ гижӧмыд, эз вӧв. Тэ ачыд лӧсьӧдлін тайӧс».

Неемий 6:8 Referans Kwoze

Псалтыр 52:2

Мывкыдтӧм морт мӧвпалӧ, мый Енмыс абу. Йӧзыс сетчисны лёкас, олӧны зывӧка, бур вӧчысьыс абу.

Иов 13:4

А ті мичмӧданныд ылӧгсӧ, ті – шогмытӧм бурдӧдысьяс.

Ап. уджъяс 25:10

Павел шуис: «Ме сулала кесар ёрд водзын, тані колӧ менӧ мыждынысӧ. Иудейяслы ме нинӧм лёксӧ эг вӧч, тэ ачыд тайӧс бура тӧдан.

Ап. уджъяс 25:7

Кор Павел локтіс, сійӧс кытшалісны Ерусалимысь воӧм иудейяс. Найӧ пондісны чорыда мыжавны Павелӧс унаторйысь, но подулавнысӧ эз вермыны.

Иоан 8:44

Омӧльыс – тіян батьныд. Ті ставсӧ кӧсъянныд вӧчны сы моз. Сійӧ водзысяньыс вӧлі морт виысь. Збыльсьыс сійӧ ылын, збыльыс сы пытшкын абу. Кор сійӧ ылӧдлӧ, висьталӧ ассяньыс, ӧд сійӧ ылӧдчысь, ылӧгыслӧн бать.

Матвей 12:34

Вижля йылӧм! Верманныд-ӧ бурсӧ висьтавны, асьныд кӧ лёкӧсь? Ӧд мыйӧн тырӧма мортыслӧн сьӧлӧмыс, сійӧ вомсьыс и петӧ.

Даниил 11:27

Ӧти пызан сайын пукалӧмӧн кык ӧксы кутасны ылӧдлыны ӧта-мӧднысӧ, ӧд налӧн сьӧлӧмныс тырӧма лёк мӧвпъясӧн. Налӧн нинӧм оз артмы, ӧд нэм помыс лоӧ сӧмын индӧм кадӧ.

Исай 59:4

Некод оз мыжды веськыда, ёрд водзын некод оз висьтав збыльсӧ. Ставныс лача кутӧны абутӧмыс вылӧ, висьталӧны ылӧгсӧ. Найӧ новлӧдлӧны ас пытшканыс лёксӧ, чужтӧны лёк вӧчӧм.

Псалтыр 38:12

Тэ кӧ мыж вӧчӧмысь янӧдан да мыждан мортӧс, сэки сылӧн мичлуныс бырас воз сёйӧм паськӧм моз. Быд мортлӧн олӧмыс тӧвру пӧльыштӧм кодь.

Псалтыр 36:3

Лача кут Господь вылӧ да вӧч бурсӧ, ов му вылас да видз збыльсӧ.

Неемий 6:7

Тэ индӧмыд пророкъясӧс, медым найӧ Ерусалимын юӧртасны, мый тэ Иуда войтырлӧн ӧксы. Тайӧ юӧрыс воас Артаксеркс ӧксыӧдз. Сідзкӧ, лок, да ми сёрнитам та йылысь».