Biblia Todo Logo
Bib sou entènèt

- Piblisite -




Неемий 6:6 - Коми Библия 2023

6 Сэтчӧ вӧлі гижӧма: «Войтыръяс пӧвстын сёрнитӧны, тшӧтш Гешем висьталӧ, мый тэ иудейяскӧд кӧсъян паныд кыпӧдчыны, та вӧсна ті и лэптінныд Ерусалимлысь стенъяссӧ. Нӧшта сёрнитӧны, мый тэ кӧсъян лоны налӧн ӧксыӧн.

Gade chapit la Kopi




Неемий 6:6
16 Referans Kwoze  

Кор та йылысь кылісны хоронса Санваллат, аммон войтырысь Тови чина морт да Гешем араб, серамвыв лэптісны миянӧс. Найӧ увтыртӧмӧн шуалісны: «Мыйсяма уджӧ ті босьтчинныд? Он-ӧ ӧксылы паныд кыпӧдчӧй?»


Олӧй сідзи, мед сьӧлӧмныд эз мыжды тіянӧс. Сэки найӧ, кодъяс лёкӧдӧны тіянӧс лёк вӧчысьӧс моз Кристоскӧд бур нога олӧмысь, яналасны асланыс кывъясысь.


Гашкӧ, пондам вӧчны лёксӧ, мед вӧлі бур? Кодсюрӧ омӧльтӧны миянӧс да шуӧны, мый ми тадзи велӧдам. Татшӧмъяссӧ виччысьӧ веськыда мыждӧм.


Юӧртам тэныд, ӧксыӧй, мый иудейяс, кодъяс мунісны тэ дорысь, локтісны миян дінӧ Ерусалимӧ. Ӧні найӧ лэптӧны лёкнас да шызьӧмнас тырӧм тайӧ карсӧ, кыпӧдӧны карса стенсӧ да дзоньталӧны подувсӧ.


Ми дасьӧсь сибӧдны ошкӧмсӧ и янӧдӧмсӧ, нимӧдӧмсӧ и лёкӧдӧмсӧ. Миянӧс лыддьӧны пӧръясьысьясӧн, но ми веськыда сёрнитам.


Тайӧс кылӧм бӧрын Пилат петкӧдіс Исусӧс ывлаӧ, ачыс пуксис изэрдвывса мыждан пуклӧсӧ. Еврей ногӧн Изэрдыс шусис Габбата.


Найӧ мыжалӧмӧн висьталісны: «Ми аддзылім, мый тайӧ Мортыс шызьӧдӧ миянлысь войтырӧс, ӧлӧдӧ кесарлы вот мынтӧмысь, асьсӧ ыдждӧдлӧ ӧксыӧн да Кристосӧн».


Ті шудаӧсь, Ме вӧсна кӧ тіянӧс лёкӧдӧны, вӧтлӧны да быд ногыс омӧльтӧны-суклялӧны.


Ме кыла уна йӧзлысь лёк сёрнияс, быд боксянь повзьӧдлӧны менӧ. Найӧ ыззьӧдӧны ӧта-мӧднысӧ, медым вузавны менӧ. Весиг ёртъясӧй виччысьӧны менсьым крукасьӧмӧс, найӧ шуалӧны: «Гашкӧ, сійӧ налькйӧ шедас, сэки ми сійӧс вермам да сылысь водзӧс перъям».


Корам видзӧдлыны воддза ӧксыяслысь казьтылан небӧгъяссӧ. Сэтысь тӧдмалан, мый тайӧ карыс, збыльысь, паныд кыпӧдчысьяслӧн кар, кысянь локтӧ лёкыс ӧксыяслы да налӧн муяслы. Тайӧ карас важысянь нин шызьӧм-гызьӧмыс мунӧ, та вӧсна и бырӧдӧма вӧлі сійӧс.


Витӧдысьсӧ Санваллат мӧдӧдіс ме дінӧ ассьыс кесйӧгсӧ восьса письмӧӧн.


Тэ индӧмыд пророкъясӧс, медым найӧ Ерусалимын юӧртасны, мый тэ Иуда войтырлӧн ӧксы. Тайӧ юӧрыс воас Артаксеркс ӧксыӧдз. Сідзкӧ, лок, да ми сёрнитам та йылысь».


Найӧ медалісны сійӧс, мед менӧ повзьӧдны да мыжӧ уськӧдны. И ме кӧ вӧчи Шемайлӧн вӧзйӧм серти, найӧ эськӧ лёкӧдісны-янӧдісны менӧ.


Swiv nou:

Piblisite


Piblisite