Неемий 6:1 - Коми Библия 2023

¹ Санваллатлы, Товилы, араб войтырысь Гешемлы да мукӧд дзескӧдысьяслы кывсис, мый ме помалі лэптыны карса стен, и стенмын эз коль ни ӧти жугалӧмин. Сӧмын дзиръяясӧ абу на вӧлі пуктӧма ӧдзӧсъяс.

Неемий 6:1 Referans Kwoze

Неемий 2:19

Кор та йылысь кылісны хоронса Санваллат, аммон войтырысь Тови чина морт да Гешем араб, серамвыв лэптісны миянӧс. Найӧ увтыртӧмӧн шуалісны: «Мыйсяма уджӧ ті босьтчинныд? Он-ӧ ӧксылы паныд кыпӧдчӧй?»

Неемий 2:10

Хоронса Санваллат да аммон войтырысь Тови чина морт кор кылісны, мый кодкӧ локтӧма тӧждысьны Израиль войтыр вӧсна, ёна дӧзмисны таысь.

Неемий 4:1

Санваллат кор тӧдмаліс, мый ми лэптам Ерусалимлысь стенсӧ, ёна скӧрмис. Сійӧ пондіс лӧгавны да лёкӧдны иудейясӧс.

Неемий 3:3

Сенлӧн рӧдыс вӧчис Чери дзиръя. Найӧ вӧчисны куричьяс, сувтӧдісны ӧдзӧсъяс да пуктісны сэтчӧ иган-тасъяс.

Неемий 3:1

Аркирей Эльяшив да попъяс вӧчисны карлысь Ыж дзиръя, вежӧдісны сійӧс да сувтӧдісны ӧдзӧсъяс. Сэсся Сё тышкамортлы башня дорсянь Хананел башня дорӧдз вежӧдісны стенсӧ.

Даниил 9:25

Тӧд да гӧгӧрво, мый сійӧ кадсяньыс, кор петас тшӧктӧм выльысь сувтӧдны Ерусалим кар, да сійӧ кадӧдзыс, кор локтас мавтыштӧм Ӧксы, коляс сизимысь сизим во да квайтымын кыкысь сизим во. Сьӧкыд кадӧ Ерусалим карсӧ лоӧ выльысь кыпӧдӧма, изэрдъяссӧ да стенъяссӧ лоӧ выльысь вӧчӧма.

Неемий 3:6

Пасеахлӧн Йоад пиыс да Бесодийлӧн Мешуллам пиыс дзоньталісны Важ дзиръя. Найӧ вӧчисны куричьяс, сувтӧдісны ӧдзӧсъяс да пуктісны сэтчӧ иган-тасъяс.

Неемий 7:1

Стенсӧ лэптӧм бӧрын да ӧдзӧсъяс пукталӧм бӧрын индісны дзиръя видзысьясӧс, сьылысьясӧс да левитъясӧс.

Неемий 13:4

Таӧдз Енлӧн крам видзанінъяс вӧсна кывкутысьнас вӧлі пуктӧма Товилӧн матысса рӧдвужысь Эльяшив попӧс.