Неемий 5:9 - Коми Библия 2023

⁹ Сэки ме шуи налы: «Ті лёктор вӧчанныд. Тіянлы колӧ овны асланым Енмысь полӧмӧн, медым мустӧмтысь войтыръяс эз омӧльтны миянӧс.

Неемий 5:9 Referans Kwoze

Левит 25:36

Аслыд мыйкӧ чуктӧдӧм могысь содтӧдӧн сылысь эн босьт. Аслад Енмысь пов, и аслад войтырысь мортлы лэдз ас ордад овны. [Ме – Господь.]

1 Петыр 2:12

Ентӧдтӧмъяс пӧвстын олӧй бур ногӧн. Сэки найӧ, кодъяс омӧльтӧмӧн шуӧны тіянӧс лёк вӧчысьясӧн, аддзасны бур вӧчӧмнытӧ да ошкасны Енсӧ Сылӧн локтігас.

Ӧксыяслӧн 2 небӧг 12:14

Но тайӧ вӧчӧмторнад тэ сетін помка Господьӧс мустӧмтысьяслы омӧльтны Сійӧс. Та вӧсна кулас тэнад пузчужӧм пиыд». Сэсся Нафан бӧр муніс гортас.

Титлы 2:5

А сідзжӧ мед велӧдасны найӧс лоны сюсь вежӧраӧн, сӧстӧм сьӧлӧмаӧн, шаньӧн, тӧждысьны гортныс вӧсна да кывзысьны верӧсныслысь. Сэки Енлысь кывсӧ оз ло омӧльтӧма.

1 Тимофейлы 5:14

Та вӧсна кӧсъя, медым том дӧваяс верӧс сайӧ петісны, кага чужтісны да гортныс вӧсна тӧждысисны. Сэки найӧ оз сетны помкасӧ паныд сувтысьяслы омӧльтны эскысьясӧс.

Римӧ 2:24

Гижӧма: «Енлысь нимсӧ тіян вӧсна омӧльтӧны ентӧдтӧмъяс».

Ап. уджъяс 9:31

Став Иудея, Галилея да Самария пасьтала вичкояс олісны лӧня. Найӧ олісны Господьысь полӧмӧн да лунысь-лун ёнмисны. Вежа Лов ышӧдӧм улын вичкоясын эскысьяслӧн лыдыс содіс.

Езекиль 36:20

Но мукӧд войтыръяс пӧвстын оліганыс найӧ янӧдісны Менсьым вежа нимӧс. На йылысь шуӧны, тайӧ пӧ Господьлӧн войтырыс, но налы ковмис петны Сылӧн муысь.

Шусьӧгъяс 24:23

Мывкыд йӧзсянь нӧшта шусьӧгъяс. Ёрдысь мед мыждӧ веськыда, оз чужӧм вылӧ видзӧдӧмӧн.

Шусьӧгъяс 19:2

Тӧдӧмлунтӧгыд лолыдлы абу бур, тэрмасьӧмӧн мунысьыд вошӧ.

Шусьӧгъяс 18:5

Абу бур сулавны лёк вӧчысь дор да мыжтӧмӧс мыждыны.

Шусьӧгъяс 17:26

Веськыда вӧчысьӧс абу бур мыждыны, пыдди пуктанаӧс – збыльсьыс нӧйтны.

Шусьӧгъяс 16:29

Лёк вӧчысь кыскӧ матыссасӧ лёкас, нуӧдӧ сійӧс лёк туй вылӧ.

Неемий 5:15

Меӧдз вӧвлӧм юралысьяс сьӧктӧдлӧмаӧсь войтырсӧ. Нелямын сикель эзысьысь ӧтдор найӧ босьтлӧмаӧсь нянь да вина. Весигтӧ налӧн кесйӧгъясыс дзескӧдлӧмаӧсь войтырсӧ. Но ме Енмысь полӧм вӧсна эг вӧч на моз.

Неемий 4:4

Енмӧй, кывзы, кутшӧма миянӧс лёкӧдӧны. Налысь увтыртӧмсӧ бергӧд ас выланыс. Сет найӧс мырддялысьяс киӧ, нуӧд пленӧ.

Ӧксыяслӧн 1 небӧг 2:24

Дугдӧй, пиянӧй, вӧчны пежсӧ. Ог бурторъяс ме кыв тіян йылысь. Господьлӧн войтырыс лёктор висьталӧ тіян йылысь.

Олӧм 42:18

Коймӧд луннас Ӧсип шуис налы: «Вӧчӧй, мый ме тшӧкта, сэки ловйӧн колянныд, ӧд ме пола Енсьыс.

Олӧм 20:11

Ӧвраам шуис: «Ме чайті, мый татчӧс йӧзыс оз повны Енсьыс да гӧтыр вӧсна вермасны вины менӧ.

Неемий 5:10

Аслам вокъяскӧд да кесйӧгъяскӧд ме тшӧтш водзӧсӧн сета сьӧм да нянь, но содтӧдӧн бӧрсӧ ми огӧ босьтӧй.

Псалтыр 90:11

Аслас анделъяслы Господь тшӧктӧ видзны тэнӧ став тэнад туйяс вылын.