Неемий 5:5 - Коми Библия 2023

⁵ Мыйӧн нӧ ми торъялам вокъясысь? Миян челядьным тшӧтш ӧткодьӧсь. Но миянлы быть лоӧ кесйӧг туйӧ вузавны ныв-пинымӧс. Кодсюрӧ нывъясным кесйӧг туйынӧсь нин. Ми нинӧм огӧ вермӧй вежны, ӧд муясным да виноград йӧръясным йӧз киын».

Неемий 5:5 Referans Kwoze

Ӧксыяслӧн 4 небӧг 4:1

Ӧти пророк-велӧдчысьлӧн гӧтырыс бӧрдӧмӧн висьталіс Елисейлы: «Менам верӧсӧй, тэнад кесйӧгыд, куліс. Тэ ачыд тӧдан, мый сійӧ оліс Господьысь полӧмӧн. А ӧні сійӧ мортыс, кодлы ми уджйӧзаӧсь, кӧсйӧ босьтны менсьым кыкнан пиӧс аслыс кесйӧг пыдди».

Исай 58:7

тшыгъялыськӧд юк няньтӧ, коньӧр шӧйтысьӧс вайӧд гортад, пасьтӧмӧс пасьтӧд, рӧдвужыдлӧн отсӧг корӧмысь эн бергӧдчы.

Олӧм 37:27

Вай вузаламӧй Ӧсипӧс тайӧ локтысьясыслы. Мыйла миянлы мыжмыны вир кисьтӧмысь? Ӧд ми ӧти вирсянь, и сійӧ миян вок». Вокъяс кывзысисны Иудалысь.

Матвей 18:25

Мынтынысӧ сійӧ эз вермы. Сэки ӧксы тшӧктіс вузавны тайӧ кесйӧгсӧ, сылысь гӧтырсӧ, ныв-писӧ да овмӧссӧ, медым тадзи бергӧдны уджйӧзсӧ.

Олӧм 29:14

Лаван шуис сылы: «Збыльысь, ми тэкӧд ӧти лыысь да ӧти яйысь, тэ менам рӧдвуж!» Яков оліс Лаван ордын тӧлысь чӧж.

Исай 50:1

Господь тадзи висьталӧ: – Кӧні тіян мамныдлӧн торйӧдчан гижӧдыс, Ме кӧ эновті сійӧс? Меным водзӧсӧн сетысьяс пӧвстысь кодлы Ме вузалі тіянӧс? Тіянӧс вузалӧма асланыд мыжъясныд вӧсна, лёк вӧчӧмныд вӧсна вӧтлӧма тіянлысь мамнытӧ.

Шусьӧгъяс 22:7

Гӧль вылын ыджыдалӧ озыр, уджйӧза вылын – сылы водзӧсалысь.