Неемий 2:3 - Коми Библия 2023

³ Полӧмпырысь вочавидзи сылы: «Кузь нэм ӧксылы! Кыдзи нӧ ме верма дзебны шогсьӧмӧс, кор кисьтӧма карсӧ, кытчӧ дзебӧма менсьым батьясӧс, да сотӧма карыслысь дзиръяяссӧ».

Неемий 2:3 Referans Kwoze

Неемий 1:3

Найӧ вочавидзисны, пленысь локтысьяс пӧ ёна сьӧкыдалӧны асланыс муын, сэні пӧ найӧс увтыртӧны. Ерусалим карлысь пӧ стенъяссӧ жуглӧма, а дзиръяяссӧ сотӧма.

Даниил 2:4

Найӧ шыасисны ӧксы дінӧ арамей кыв вылын: «Мед олас ӧксы нэмъяс чӧж! Висьтав миянлы, аслад кесйӧгъяслы, вӧттӧ, и ми гӧгӧрвоӧдам сійӧс».

Ӧксыяслӧн 3 небӧг 1:31

Вирсавия муӧдзыс копыртчылӧмӧн шуис ӧксылы: «Мед олас нэмъяс чӧж Давид ӧксы, менам ыджыдӧй!»

Даниил 5:10

Ӧксылӧн мамыс кывліс, мый йылысь сёрнитӧны ӧксы да сылӧн чина йӧзыс, и локтіс налӧн гажӧдчанінӧ. Сійӧ шуис: «Мед олас ӧксы нэмъяс чӧж! Ӧксыӧй, тэнад мӧвпъясыд мед оз майшӧдлыны тэнӧ, тэнад чужӧмыд мед оз кельдӧд!

Псалтыр 137:6

Господь олӧ выліын, но рам сьӧлӧмаӧс Сійӧ аддзӧ и вылӧ кыпӧдчысьӧс ылісянь тӧдӧ.

Даниил 6:21

Даниил вочавидзис ӧксылы: «Мед олас ӧксы нэмъяс чӧж!

Даниил 6:6

Ыджыдалысьяс да сатрапъяс ӧтвылысь локтісны ӧксы дінӧ да шуисны сылы: «Мед олас Дарий ӧксы нэмъяс чӧж!

Бӧрданкыв 2:9

Карса дзиръяяс муас вӧйисны, иган-тасъяссӧ Сійӧ пасьйис. Ӧксы да юралысьяс олӧны мукӧд войтыр пӧвстын, Енлысь Индӧдсӧ оз велӧдны, Господьсянь петкӧдчылӧмыс пророкъяслы абу.

2 Каднебӧг 32:33

Езекей куліс да вуджис батьясыс дінӧ. Сійӧс дзебисны Давидсянь чужысьяслӧн дзебанінӧ, выліинӧ. Сылӧн кулӧм бӧрын став Иуда войтыр да Ерусалимын олысьяс нимӧдісны сійӧс. Езекей бӧрти ӧксыӧ пуксис сылӧн Манассей пиыс.

2 Каднебӧг 28:27

Ахаз куліс да вуджис батьясыс дінӧ. Сійӧс дзебисны Ерусалимӧ, но эз израильса ӧксыяслӧн дзебанінӧ. Ахаз бӧрти ӧксыӧ пуксис сылӧн Езекей пиыс.

2 Каднебӧг 21:20

Ӧксыӧ пуксигас Иорамлы вӧлі комын кык арӧс. Кӧкъямыс во чӧж сійӧ юраліс Ерусалимын. Сылӧн кулӧм вӧсна некод эз бӧрд. Сійӧс дзебисны Давид карӧ, но эз ӧксыяслӧн дзебанінӧ.

Даниил 3:9

Найӧ шуисны Навукодоносор ӧксылы: «Мед олас ӧксы нэмъяс чӧж!

Псалтыр 102:14

Сійӧ тӧдӧ, мыйысь вӧчӧма миянӧс, Сійӧ оз вунӧд, мый ми – сӧмын бус чиръяс.

Левит 26:31

Каръяснытӧ Ме пасьварта, вежаинъяснытӧ бырӧда, чӧскыда ӧвтан висьяснытӧ ог сибӧд.

Ӧксыяслӧн 4 небӧг 25:8

Вавилонса Навукодоносор ӧксылӧн дас ӧкмысӧд веськӧдлан воӧ витӧд тӧлысьлӧн сизимӧд лунӧ Ерусалимӧ локтіс Навузардан, ӧксыӧс видзысьяслӧн юралысь, вавилонса ӧксылӧн кесъялысь.

2 Каднебӧг 36:19

Найӧ сотісны Енлысь крамсӧ, жугӧдісны Ерусалим карлысь стенсӧ, сотісны ӧксылысь керкаяссӧ да бырӧдісны сылысь став озырлунсӧ.

Неемий 2:13

Ковтыс дзиръяӧд петӧм бӧрын ме мӧдӧдчи Гундыр ва петанінлань да Ёг дзиръялань. Мунігам ме видзӧдалі Ерусалимлысь жуглӧм стенсӧ да сотӧм дзиръяяссӧ.

Еремей 52:12

Вавилонса Навукодоносор ӧксылӧн дас ӧкмысӧд веськӧдлан воӧ, витӧд тӧлысьлӧн дасӧд лунӧ, Ерусалимӧ локтіс Навузардан, ӧксыӧс видзысьяслӧн юралысь, вавилонса ӧксыӧс туйдӧдысь.

Эсфир 8:6

Кыдзи нӧ ме верма видзӧдны менсьым войтырӧс суӧм шог вылӧ? Верма ӧмӧй видзӧдны ассьым рӧдӧс бырӧдӧм вылӧ?»

Псалтыр 38:7

Мортлӧн олӧмыс вуджӧр кодь. Весьшӧрӧ сійӧ мырсьӧ-пессьӧ да чукӧртӧ эмбурсӧ, но оз тӧд, кодлы тайӧ вичмас.

Псалтыр 102:15

Мортлӧн олӧмыс – турун кодь, сійӧ дзоридзалӧ видзвывса дзоридз моз.