17 Ме шуи налы: «Ті аддзанныд, мый миянӧс суис: Ерусалим карнымӧс кисьтӧма, сылысь дзиръяяссӧ сотӧма. Выльысь лэптам карлысь стенъяссӧ, вештам ас вылысь янӧдӧмсӧ».
Ерусалим, Ме вӧча тэнӧ из чукӧрӧн, тэ гӧгӧр олысь войтыръяслы да тэ дінті ветлысь-мунысьяслы сета тэнӧ лёкӧдны.
Найӧ вочавидзисны, пленысь локтысьяс пӧ ёна сьӧкыдалӧны асланыс муын, сэні пӧ найӧс увтыртӧны. Ерусалим карлысь пӧ стенъяссӧ жуглӧма, а дзиръяяссӧ сотӧма.
Енмӧй, выльысь сувтӧд миянӧс! Сет миянлы аддзыны Тэнсьыд югыд чужӧмбантӧ, сэки ми мездмам.
Менсьым сьӧлӧмӧс шымыртӧ шог аслам карса нывъяс вӧсна.
Господь жалиттӧг бырӧдіс Яковлысь оланінъяссӧ, скӧралігас пасьвартіс Иудалысь изкаръяссӧ, янӧдӧмӧн шыбитіс муас ӧксыӧс да юралысьясӧс.
Быдлаын, кытчӧ Ме вӧтла найӧс, вӧча найӧс повзьӧдчанторйӧн, и мукӧд войтыръяс кутасны повны, кор тӧдмаласны, мый накӧд лои. Найӧс кутасны лёкӧдны-омӧльтны, серамтуйӧ пуктыны да ёрны.
Сылӧн петасъясыс нюжӧдчисны саридз дорӧдз, паськалісны ю дорӧдз.
Тирса йӧз локтасны тэ дінӧ козинъясӧн, озыръяс кутасны виччысьны тэсянь буралӧм.
Аммон войтырысь Нахаш шуис налы: «Ме кӧртала тіянкӧд йитӧд, но медводз быдӧнлысь тіянлысь перъя веськыд синтӧ. Тадзи янӧда став Израильӧс».
Ковтыс дзиръяӧд петӧм бӧрын ме мӧдӧдчи Гундыр ва петанінлань да Ёг дзиръялань. Мунігам ме видзӧдалі Ерусалимлысь жуглӧм стенсӧ да сотӧм дзиръяяссӧ.
Веськӧдлысьяс эз тӧдлыны, кытчӧ да кутшӧм могӧн ме ветлі. Иудейяслы – попъяслы, нималана йӧзлы, веськӧдлысьяслы да налы, кодъяслы колӧ тайӧ уджсӧ вӧчны – ме таӧдз нинӧм эг висьтавлы.
Дзульк дзиръя дзоньталіс Кол-Хозелӧн Шаллун пиыс, Миспа гӧгӧр муӧн веськӧдлысь. Сійӧ вӧчис дзиръясӧ, дзиръялы лэптіс лэбув, сувтӧдіс ӧдзӧсъяс да пуктіс сэтчӧ иган-тасъяс. Нӧшта сійӧ лэптіс стенсӧ Шелах вайӧртӧд дорын, ӧксылӧн сад йӧр дорті Давид карысь лэччан поскӧдз.
Ми – кесйӧг туйынӧсь, но миян Енным эз коль миянӧс. Сійӧ бергӧдіс миянлань персияса ӧксыяслысь сьӧлӧмнысӧ, медым найӧ лэдзисны миянлы сувтны кок йыланым, лэптыны миян Енлысь крамсӧ да повтӧг овны Иуда муын да Ерусалимын.
Ӧксы рӧдысь нылӧс мичмӧдӧма, сылӧн паськӧмыс зарниысь.
Мортлӧн олӧмыс – турун кодь, сійӧ дзоридзалӧ видзвывса дзоридз моз.
Воас сійӧ луныс, кор ті лэптанныд карса стенъяснытӧ, кор тіян муныд паськалас.