Неемий 13:5 - Коми Библия 2023

⁵ Эльяшив торйӧдіс Товилы ыджыд жыр, кӧні водзынсӧ видзлӧмаӧсь нянь вись, ладан, дозмук-кӧлуй, попъяслы вайӧмторъяс, тшӧтш няньлысь, виналысь да выйлысь дасӧд юкӧнсӧ, мый Индӧд серти вӧлі сетӧны левитъяслы, сьылысьяслы да дзиръя видзысьяслы.

Неемий 13:5 Referans Kwoze

Неемий 12:44

Сійӧ жӧ лунӧ вӧлі индӧма йӧзӧс кывкутны крам видзанінъяс вӧсна, сэтчӧ пуктӧм дасӧд юкӧнъяс вӧсна, медводдза воӧм нянь да вотӧс вӧсна. Найӧ чукӧртісны видзанінъясӧ карса видз-муяс вылысь сійӧ пайсӧ, мый колӧ вӧлі Индӧд серти сетны попъяслы да левитъяслы. Иуда войтыр нимкодясис попъяс да левитъяс вӧсна,

Неемий 10:38

Аарон рӧдысь поп мед лоӧ левитъяскӧд, кор найӧ пондасны чукӧртны дасӧд юкӧнсӧ войтырлысь. Тайӧ дасӧд юкӧнысь дасӧд пайсӧ левитъяслы колӧ нуны миян Енлӧн крам видзанінӧ.

2 Каднебӧг 34:11

юклісны тшӧтш тшупсьысьяслы да керка лэптысьяслы, медым найӧ ньӧбисны из да кер, дзоньталісны-зумыдмӧдісны иудаса ӧксыясӧн жугӧдӧм-пазӧдӧм керкаяс.

Неемий 10:37

Миян Енлӧн крам видзанінъясӧ попъяслы ми пондам вайны выль быдтасысь медводдза пӧжалӧм сӧчӧн да мукӧд вайӧмторъяс, быдпӧлӧс пулысь вотӧс, вина да олив вый. Мувыв быдтасысь дасӧд юкӧныс лоӧ левитъяслы. Найӧ мед чукӧртасны сійӧс быд карын, кӧні вӧдитӧны муяс.

Неемий 13:7

Ерусалимӧ локтӧм бӧрын ме тӧдмалі, мый Эльяшив лёктор вӧчӧма: Енлӧн крам йӧрысь сетӧма Товилы жыр.

Езекиль 40:38

Пыранінын вӧлі торъя вежӧс, кӧні мыськалісны сотан висьяс.

2 Каднебӧг 31:11

Езекей тшӧктіс дасьтыны Господьлӧн крамын вежӧсъяс. Тадзи и вӧчисны.

Неемий 10:36

Миян Енлӧн крамӧ, сэні кесъялысь попъяс водзӧ Индӧдын гижӧм серти ми пондам вайны медводдза чужысь пияннымӧс, вись пыдди пондам вайны ыж-мӧснымлысь медводдза чужысьясӧс.