Неемий 12:45 - Коми Библия 2023

⁴⁵ кодъяс тӧждысисны сӧстӧммӧдчӧм да асланыс Енлы кесъялӧм вӧсна. Тшӧтш нимкодясисны сьылысьяс да дзиръя видзысьяс вӧсна, кодъяс кесъялісны Давидлӧн да Соломон пиыслӧн тшӧктӧм серти.

Неемий 12:45 Referans Kwoze

2 Каднебӧг 23:6

Попъяс да сійӧ лунӧ кесъялысь левитъяс кындзи некод мед оз пыр Господьлӧн крамӧ. А налы позьӧ пырны, ӧд найӧ вежӧдӧмаӧсь-сӧстӧммӧдӧмаӧсь асьнысӧ. Но став войтырыслы Господьлӧн тшӧктӧм серти колӧ лоны крам ортсыас.

1 Каднебӧг 23:28

Левитъяслы колӧ вӧлі отсасьны Ааронсянь чужысьяслы Господьлӧн крамын кесъялӧм дырйи, тӧждысьны крам йӧръяс да вежӧсъяс вӧсна, став вежаторсӧ сӧстӧммӧдӧм вӧсна да Енлӧн крамын кесъялӧм вӧсна.

Ӧксыяслӧн 4 небӧг 7:10

Проказаӧн висьысьяс бӧр локтісны да висьталісны карса дзиръя видзысьяслы: «Ми вӧлім арамейяслӧн сувтанінын. Сэні весиг ӧти морт абу, оз кыв некутшӧм шы. Сӧмын домалӧм вӧв-осёлныс да эновтӧм чомъясныс сулалӧны сэні».

1 Каднебӧг 26:26

Шеломот да сылӧн вокъясыс видзисны крам видзанінӧ вайӧм вежа козинъяс. Тайӧ козинъяссӧ Енлы вежӧдісны-торйӧдісны Давид ӧксы, рӧдкутысьяс, тышкайӧзлӧн юралысьяс да веськӧдлысьяс.