Неемий 12:25 - Коми Библия 2023

²⁵ Маттанай, Бакбук, Авдий, Мешуллам, Талмон да Аккув, крам дзиръя видзысьяс, кывкутісны дзиръядор видзанінъяс вӧсна.

Неемий 12:25 Referans Kwoze

Исай 21:8

сэсся лев моз гораа горӧдіс: «Господьӧй! Лунысь-лун ме сулалі да видзӧді, войбыд эг вешйывлы аслам места вылысь.

1 Каднебӧг 26:15

Овед-Эдомлы мойвиис видзны лунвыв дзиръя, а сылӧн пияныслы – видзанінъяс.

1 Каднебӧг 26:12

Татшӧмӧсь вӧліны крам дзиръя видзысьяслӧн котыръяс рӧдкутысьясныс серти. Вокъясныс моз тайӧ видзысьясыс кесъялісны Господьлӧн крамын.

1 Каднебӧг 23:32

Налы колӧ вӧлі видзны вежа чом да вежаин, колӧ вӧлі отсасьны Ааронсянь чужысьяслы, асланыс вокъяслы, Господьлӧн крамын кесъялӧм дырйи.

Ӧксыяслӧн 4 небӧг 7:10

Проказаӧн висьысьяс бӧр локтісны да висьталісны карса дзиръя видзысьяслы: «Ми вӧлім арамейяслӧн сувтанінын. Сэні весиг ӧти морт абу, оз кыв некутшӧм шы. Сӧмын домалӧм вӧв-осёлныс да эновтӧм чомъясныс сулалӧны сэні».

1 Каднебӧг 26:17

быд лун стен асывладорас сулалісны квайт левит, войвывладорас – нёльӧн, лунвывладорас – нёльӧн, кык видзанін дорын сулалісны кык мортӧн.

2 Каднебӧг 8:14

Давид батьыслӧн тшӧктӧм серти Соломон индіс кесъявны поп котыръясӧс, индіс тшӧтш левитъясӧс быд лун кежлӧ вӧчны ассьыныс уджнысӧ – ошкыны Господьӧс да отсасьны попъяслы. Нӧшта Соломон сувтӧдаліс быд дзиръя дорӧ крам видзысьясӧс. Тадзи вӧчны тшӧктіс сылы Енлӧн морт Давид.