Неемий 12:24 - Коми Библия 2023

²⁴ Левитъясӧн веськӧдлысьяснас вӧліны Хашавий, Шеревий, Кадмиэллӧн Исус пиыс да налӧн вокъяс, кодъяс вежласьӧмӧн сьылісны ошкана да аттьӧалана сьыланъяс Енлӧн морт Давидлӧн лӧсьӧдӧм серти.

Неемий 12:24 Referans Kwoze

Неемий 11:17

Ерусалимын олісны тшӧтш Маттанай, Бакбук да Авдай. Маттанай вӧлі сьылысь котырын ошкӧм-кевмысьӧм дырйи шылад босьталысьӧн. Сійӧ вӧлі Микейлӧн пи, Микей – Завдийлӧн, Завдий – Асафлӧн. Бакбук вӧлі сьылысь котырын шылад мӧд босьталысьӧн. Авдай вӧлі Шаммуйлӧн пи, Шаммуй – Галаллӧн, Галал – Едутунлӧн.

Неемий 9:4

Исус, Бани, Кадмиэл, Шеваний, Бунни, Шеревий, Бани да Кенани сувтісны левитъяслы лӧсьӧдӧм сод вылӧ да гораа кевмысисны Господьлы, асланыс Енлы.

Неемий 8:7

Кор войтырыс сулаліс, Исус, Бани, Шеревий, Ямин, Аккув, Шаббетай, Ходий, Маасей, Келит, Азарий, Иозавад, Ханан да Фелай левитъяс гӧгӧрвоӧдісны Индӧдсӧ.

Ездра 2:40

Левитъяслӧн лыдыс вӧлі сизимдас нёль морт. Найӧ вӧліны Исус да Кадмиэл рӧдъясысь, Ходавийсянь чужысьяс.

2 Каднебӧг 8:14

Давид батьыслӧн тшӧктӧм серти Соломон индіс кесъявны поп котыръясӧс, индіс тшӧтш левитъясӧс быд лун кежлӧ вӧчны ассьыныс уджнысӧ – ошкыны Господьӧс да отсасьны попъяслы. Нӧшта Соломон сувтӧдаліс быд дзиръя дорӧ крам видзысьясӧс. Тадзи вӧчны тшӧктіс сылы Енлӧн морт Давид.

Ӧксыяслӧн 3 небӧг 17:24

Дӧва вочавидзис Иллялы: «Ӧні ме тӧда, мый тэ Енлӧн морт, и Господь збыльысь сёрнитӧ тэ пыр».

Нав Исус 14:6

Галгалын Иудасянь чужысьяс локтісны Исус дінӧ. Кенез рӧдысь Ефуннилӧн Калев пиыс шуис сылы: «Тэ ӧд тӧдан, мый висьталіс Господь тэа-меа йылысь Кадеш-Варниын Мӧисейлы, Енлӧн мортлы.

Индӧд 33:1

Со тайӧ бурсиӧмнас Мӧисей, Енлӧн морт, бурсиис Израиль пиянӧс кулӧм водзвылас:

2 Тимофейлы 3:17

медым Енлӧн морт вӧлі тыр-бур да вӧлі дась вӧчны быдпӧлӧс бур уджсӧ.

1 Тимофейлы 6:11

Но тэ, Енлӧн мортӧй, ылыстчы таысь. Кутчысь веськыдлунас, вежавидзана оласногас, эскӧмас, муслунас, зумыдлунас да рамлунас.

Неемий 12:23

Левитъяслысь рӧдкутысьяссӧ пасъявлӧмаӧсь небӧгас Эльяшив Иохананлӧн кадӧдз.

Неемий 12:36

Нӧшта мунісны Закарлӧн Шемай, Азарэл, Милалай, Гилалай, Маай, Нафанаил, Иуда да Ханани вокъясыс. Найӧ ворсісны Енлӧн морт Давидлӧн кодь шылада ворсанторъясӧн. На водзвылын муніс Индӧдӧ велӧдысь Ездра.

1 Каднебӧг 16:4

Давид сувтӧдіс левитъясӧс кесъявны Господьлӧн кудйыс водзын: сьывны-ошкыны, аттьӧавны да ыдждӧдлыны Господьӧс, Израильлысь Енсӧ.