Неемий 10:34 - Коми Библия 2023

³⁴ Ми – попъяс, левитъяс да войтыр – пудъясим Енлӧн крамӧ пес вайӧм кузя. Быд рӧдлы быд во урчитӧм кадӧ колӧ вайны пес, медым Индӧдын гижӧм серти миян Господь Енлӧн висьпуктанін вылын ӧзъяліс би.

Неемий 10:34 Referans Kwoze

Неемий 13:31

Тшӧкті индӧм кадӧ вайны крамӧ пес, медводдза воӧм нянь да быдтас-вотӧс. Енмӧй, бурӧн мынтысь меным!

Исай 40:16

Ливанса пуяс да пемӧсъяс абу тырманаӧсь, медым пестыны би да вись вайны Господьлы.

Шусьӧгъяс 18:18

Ёрд водзын веськыд сійӧ, коді медводдзаӧн сёрнитӧ, но локтӧ сыкӧд вензьысь да тӧдмалӧ сійӧс.

Неемий 11:1

Израиль войтырлӧн юралысьяс олісны Ерусалимын. Войтырыс пудъясьӧмӧн индіс быд дасӧд мортӧс, коді овмӧдчас вежа Ерусалим карӧ, тадзи ӧкмысыс кольччис овны аслас карӧ.

1 Каднебӧг 24:7

Медводдза пудйыс уси Ехояривлы, мӧдыс – Едайлы,

1 Каднебӧг 24:5

Найӧс юклісны пудъясьӧмӧн, ӧд Енлӧн вежаинын юралысьясыс вӧліны кыкнан рӧдсьыс: Элазарлӧн да Итамарлӧн рӧдысь.

Нав Исус 9:27

Тайӧ лунсяньыс Исус уджӧдіс [гаваонса олысь] хивейясӧс, налы ковмис керавны пес да ваявны ва Израиль войтырлы, а сідзжӧ Господьлӧн висьпуктанінӧ. Сійӧ местаас, мый бӧрйӧма Господь, найӧ ӧнӧдз вӧчӧны тайӧ уджсӧ.

Ап. уджъяс 1:26

Сэсся пудъясисны на вӧсна. Пудйыс уси Матфийлы, сійӧс и индісны дас кыкӧд апостолнас.

Левит 24:5

Босьт ефа мында шобді пызьсӧ, юк дас пельӧ и сэтысь босьт кыксӧ. Таысь пӧжав дас кык нянь.

Левит 24:6

Господь водзӧ весалӧм зарниысь вӧчӧм пызан вылӧ пукты няньсӧ квайтӧн-квайтӧн кык визьӧ.

Лыд 28:2

«Висьтав Израиль пиянлы: ас кадӧ вайӧй Меным чӧскыда ӧвтан висьяс, Менсьым няньӧс.

2 Каднебӧг 2:3

Тирса Хирам ӧксы дінӧ Соломон мӧдӧдіс йӧзӧс, медым найӧ висьталісны сылы: «Водзынджык тэ отсалін менам Давид батьлы – мӧдӧдлін сылы сус пуяс, медым вӧчны наысь аслыс керка.

Ездра 3:5

Тайӧ кадсяньыс найӧ вайисны быдлунся сотан висьяс, а выль тӧлысь пасйигӧн да Господьлы сиӧм мукӧд вежа гажӧдчан лунъясӧ вайисны индӧм висьяс. Нӧшта вайисны Господьлы ас кӧсйӧм серти висьяс.