Неемий 1:3 - Коми Библия 2023

³ Найӧ вочавидзисны, пленысь локтысьяс пӧ ёна сьӧкыдалӧны асланыс муын, сэні пӧ найӧс увтыртӧны. Ерусалим карлысь пӧ стенъяссӧ жуглӧма, а дзиръяяссӧ сотӧма.

Неемий 1:3 Referans Kwoze

Неемий 2:17

Ме шуи налы: «Ті аддзанныд, мый миянӧс суис: Ерусалим карнымӧс кисьтӧма, сылысь дзиръяяссӧ сотӧма. Выльысь лэптам карлысь стенъяссӧ, вештам ас вылысь янӧдӧмсӧ».

Ӧксыяслӧн 4 небӧг 25:10

Навузарданлӧн калдеяса тышкайӧзыс жугӧдісны Ерусалимӧс кытшалысь стенсӧ.

Неемий 7:6

Иуда муысь йӧз, кодъясӧс вавилонса Навукодоносор ӧксы коркӧ нуӧдліс пленӧ, ӧні бӧр локтісны Ерусалимӧ да Иуда муӧ – быдӧн аслас карӧ.

Неемий 2:13

Ковтыс дзиръяӧд петӧм бӧрын ме мӧдӧдчи Гундыр ва петанінлань да Ёг дзиръялань. Мунігам ме видзӧдалі Ерусалимлысь жуглӧм стенсӧ да сотӧм дзиръяяссӧ.

Неемий 2:3

Полӧмпырысь вочавидзи сылы: «Кузь нэм ӧксылы! Кыдзи нӧ ме верма дзебны шогсьӧмӧс, кор кисьтӧма карсӧ, кытчӧ дзебӧма менсьым батьясӧс, да сотӧма карыслысь дзиръяяссӧ».

Ездра 5:8

Юӧртам тэныд, ӧксыӧй, мый ми ветлім Иуда муӧ видзӧдлыны ыджыд Енлысь крамсӧ. Крамсӧ лэптӧны ыджыд изъясысь, стенсӧ эжӧны пӧвъясӧн. Уджыс мунӧ ӧдйӧ да бура.

Бӧрданкыв 5:1

Господьӧй, эн вунӧд, мый миянкӧд лоис. Видзӧдлы, кутшӧма миянӧс увтыртӧны.

Бӧрданкыв 3:61

Господьӧй, Тэ кылан налысь омӧльтӧмсӧ, тӧдан, мый найӧ мӧвпалӧны вӧчны меным лёксӧ.

Бӧрданкыв 1:7

Коньӧр туйын олігӧн да оланінтӧг колигӧн Ерусалимлы тӧд вылас уси став бурыс, мый сылӧн водзынсӧ вӧлі. Войтырыс кулӧ дзескӧдысьлӧн киысь, Ерусалимлы некод оз отсав. Дзескӧдысьяс сералӧмӧн видзӧдӧны, кыдзи сійӧс бырӧдӧны.

Еремей 52:14

Навузарданлӧн калдеяса тышкайӧзыс жугӧдісны Ерусалимӧс кытшалысь стенсӧ.

Еремей 42:18

Господь Саваоф, Израильлӧн Ен, тадзи висьталӧ: ”Кыдзи Менам скӧрлунӧй да ярлунӧй киссис ерусалимса олысьяс вылӧ, тадзи жӧ Менам скӧрлунӧй киссяс тіян вылӧ, кор ті воанныд Египетӧ. Тіянӧс пондасны ёрны да лёкӧдны-омӧльтны, ті лоанныд повзьӧдчанторйӧн, и водзӧ ті онӧ нин аддзылӧй тайӧ мусӧ”.

Еремей 39:8

Ӧксылысь керкасӧ да войтырыслысь керкаяссӧ калдеяса тышкайӧз сотісны биӧн, Ерусалим карлысь стенъяссӧ жугӧдісны.

Еремей 29:18

Ме кута дзескӧдны найӧс шыпуртӧн, тшыглунӧн да пӧрӧс висьӧмӧн. Став мувывса войтыръяслы Ме вӧча найӧс повзьӧдчанторйӧн. Найӧс кутасны ёрны да лёкӧдны-омӧльтны быдлаын, кытчӧ Ме вӧтла найӧс.

Еремей 24:9

Быдлаын, кытчӧ Ме вӧтла найӧс, вӧча найӧс повзьӧдчанторйӧн, и мукӧд войтыръяс кутасны повны, кор тӧдмаласны, мый накӧд лои. Найӧс кутасны лёкӧдны-омӧльтны, серамтуйӧ пуктыны да ёрны.

Еремей 5:10

– Мунӧй виноград йӧръясӧ да пазӧдӧй найӧс, но энӧ дзикӧдз. Кералӧй вожъяссӧ, ӧд найӧ абу Господьлӧн.

Исай 43:28

Та вӧсна Ме янӧді крамын кесъялысьясӧс, лэдзи бырӧдны Яковӧс, лёкӧдны Израильӧс.

Исай 5:5

Ӧні Ме висьтала тіянлы, мый вӧча Аслам виноград йӧркӧд. Ме кисьта сылысь потшӧссӧ, и сійӧс куштасны. Ме жугӧда сылысь стенъяссӧ, и сійӧс таляласны.

Псалтыр 79:4

Енмӧй, выльысь сувтӧд миянӧс! Сет миянлы аддзыны Тэнсьыд югыд чужӧмбантӧ, сэки ми мездмам.

Эсфир 1:1

Тайӧ вӧлі Артаксеркс ӧксы дырйи. Сы кипод улын сэки вӧлі сё кызь сизим му Индиясянь да Эфиопияӧдз.

Неемий 11:3

Иуда муын мукӧд каръясын – быдӧн аслас карын да аслас овмӧсын – олісны израильсаяс, попъяс, левитъяс, крамбердса кесйӧгъяс да Соломонлӧн кесйӧгъяссянь чужысьяс. А Ерусалимын олісны Иуда муӧн юралысьяс,

Ездра 2:1

Иуда муысь йӧз, кодъясӧс вавилонса Навукодоносор ӧксы коркӧ нуӧдліс пленӧ, ӧні бӧр локтісны Вавилонысь Ерусалимӧ да Иуда муӧ – быдӧн аслас карӧ.

Ӧксыяслӧн 3 небӧг 9:7

сэки Ме бырӧда Израиль войтырӧс сійӧ му вывсьыс, мый Ме сеті налы. А тайӧ крамсӧ, мый Ме вежӧді-торйӧді Аслым, Ме ӧтдорта Аслам чужӧмбан водзысь, и Израиль войтыр лоӧ серамтуйын войтыръяс пӧвстын.

Шусьӧгъяс 25:28

Коді оз сяммы асьсӧ кутны, сійӧ – стентӧг сулалысь киссьӧм кар кодь.

Бӧрданкыв 2:9

Карса дзиръяяс муас вӧйисны, иган-тасъяссӧ Сійӧ пасьйис. Ӧксы да юралысьяс олӧны мукӧд войтыр пӧвстын, Енлысь Индӧдсӧ оз велӧдны, Господьсянь петкӧдчылӧмыс пророкъяслы абу.

Левит 26:31

Каръяснытӧ Ме пасьварта, вежаинъяснытӧ бырӧда, чӧскыда ӧвтан висьяснытӧ ог сибӧд.

Левит 26:33

Ме разӧда тіянӧс войтыръяс пӧвстӧ, бӧрсяньныд вӧтча шыпуртӧн. Тіян муныд овтӧммас, каръясныд киссясны.

2 Каднебӧг 36:19

Найӧ сотісны Енлысь крамсӧ, жугӧдісны Ерусалим карлысь стенсӧ, сотісны ӧксылысь керкаяссӧ да бырӧдісны сылысь став озырлунсӧ.