Неемий 1:11 - Коми Библия 2023

¹¹ Кевма Тэныд, Господьӧй, копырт пельтӧ Аслад кесйӧглань! Кыв менсьым да став Аслад кесйӧглысь кевмӧмсӧ, ӧд ми кӧсъям вежавидзны Тэысь. Талун отсав меным, Аслад кесйӧглы, сійӧн, мый ӧксы лоас бур сьӧлӧма ме дінӧ». Сійӧ кадас ме вӧлі ӧксылӧн вина кисьталысьӧн.

Неемий 1:11 Referans Kwoze

Неемий 1:6

Видзӧдлы да веськӧд пельтӧ, медым кывны Аслад кесйӧглысь кевмӧмсӧ. Лун и вой ме кевмыся Тэ водзын Израиль войтыр вӧсна, Тэнад кесйӧгъяс вӧсна. Ме висьтася Израильлӧн мыжъясысь, кодъясӧс ми вӧчим Тэныд паныд. Ми ставным, тшӧтш ме да менам рӧдвужӧй, мыжаӧсь Тэ водзын.

Неемий 2:8

Кора ыстыны гижӧд тшӧтш Асафлы, ӧксылысь вӧрсӧ видзысьлы, медым крам дзиръяяс да карса стен вӧчӧм вылӧ сійӧ сетас кер, сетас тшӧтш керсӧ меным олан керка лэптӧм вылӧ». Ӧксы сетіс меным гижӧдъяс, ӧд Енлӧн буралан киыс вӧлі мекӧд.

Неемий 2:1

Тайӧ вӧлі Артаксеркс ӧксылӧн кызьӧд веськӧдлан воӧ нисан тӧлысьӧ. Ӧксылы вайисны вина. Ме босьті винасӧ да мыччи сылы. Таӧдз ӧксы некор эз аддзыв менӧ шог чужӧмӧн.

Еврейяслы 13:18

Кевмысьӧй миян вӧсна. Ми тӧдам, мый миян сьӧлӧмным оз мыжды миянӧс, ӧд ми ставсӧ кӧсъям вӧчны веськыда.

Шусьӧгъяс 21:1

Ӧксылӧн сьӧлӧмыс Господь киын визувтысь ва кодь, Господь веськӧдӧ сійӧс, кытчӧ кӧсйӧ.

Псалтыр 130:2

Ме лӧньӧді ассьым сьӧлӧмӧс да ланьтӧдчи, кыдзи мам ки вылын ланьтӧдчӧ пӧттӧдз вердӧм кага.

Ездра 7:6

Ездра локтіс Вавилонысь. Сійӧ вӧлі велӧдчӧм морт, бура тӧдіс Мӧисейлысь Индӧдсӧ, мый вӧлі сетӧма Господь, Израильлӧн Ен. Ӧксы сетіс Ездралы ставсӧ, мый сійӧ корис, ӧд Ездракӧд вӧлі Господь, сылӧн Енмыс.

Псалтыр 86:6

Войтыръясӧс арталігӧн-гижалігӧн Господь пасйӧ, мый тайӧ мортыс чужліс Сион карын.

Ездра 1:1

Персияса Кир ӧксылӧн медводдза веськӧдлан воӧ иніс Господьлӧн кывйыс, мый Сійӧ висьталіс Еремей пыр. Господь ышӧдіс Кир ӧксыӧс гижны да ас му пасьталаыс юӧртны татшӧм тшӧктӧм:

Олӧм 40:21

Фараон босьтіс медыджыд вина кисьталысьӧс важ удж вылас, и сійӧ бара сетлывліс фараонлы киас юан доз.

Олӧм 40:23

Но медыджыд вина кисьталысь вунӧдіс Ӧсипӧс.

Олӧм 41:9

Сэки медыджыд вина кисьталысь шуис фараонлы: «Ӧні меным тӧд вылӧ уси аслам мыжӧй.

Олӧм 32:11

Мезды менӧ Исав вокысь! Ме пола, мый сійӧ локтас да виас менӧ, виас тшӧтш менсьым челядьӧс мамъясыскӧд.

Шусьӧгъяс 1:29

Ӧд тӧдӧмлунсӧ ті мустӧмтінныд, Господьысь полӧмсӧ энӧ бӧрйӧй,

Олӧм 43:14

Ставсӧвермысь Ен мед сетас сійӧ мортыслы бур сьӧлӧм, мед лэдзас Симеонӧс да Веняминӧс бӧр локны тіянкӧд. А меным кӧ шуӧма лоны челядьтӧг, мед лоӧ сідзи».

Олӧм 32:28

Мӧдыс шуис: «Ӧнісянь тэнад нимыд оз ло Яков, а Израиль, ӧд тэ вермасин Енкӧд да йӧзкӧд, и вермин».

Олӧм 24:42

Талун юкмӧс дорӧ воигӧн ме шуи: ”Господьӧй, менам Ӧвраам ыджыдлӧн Енмӧй! Тэ кӧ бурсиан менсьым туйӧс, мед лоас тадзи.

Олӧм 40:1

Кад мысти асланыс ыджыд водзын мыжмисны египетса ӧксылӧн медыджыд вина кисьталысь да медыджыд нянь пӧжалысь. Фараон, египетса ӧксы, скӧрмис на вылӧ

2 Каднебӧг 6:40

Енмӧй, Тэнад синмыд мед аддзас, Тэнад пельыд мед кылас тайӧ крамас кевмысьӧмсӧ.

Псалтыр 61:5

Ті мӧвпаланныд шыбитны менӧ вылісянь, сьӧлӧмнытӧ бурмӧданныд пӧръясьӧмӧн. Вомнаныд ті бурсианныд, но ас пытшканыд ёранныд.

Еремей 42:12

Ме петкӧдла тіян дінӧ Ассьым буралӧмӧс – вавилонса ӧксы бурсьӧлӧмтчас тіян дінӧ и бӧр бергӧдас тіянӧс асланыд муӧ”.

Малакий 3:16

Господьысь полысьяс кор сёрнитӧны ӧта-мӧдныскӧд, Господь аддзӧ да кылӧ тайӧс. Сылӧн чужӧмбан водзын казьтылан небӧгӧ гижӧны на йылысь, кодъяс полӧны Господьысь, кодъяс пыдди пуктӧны Сылысь нимсӧ.