Нав Исус 9:6 - Коми Библия 2023

⁶ Найӧ локтісны Исус дінӧ Галгалӧ, кӧні сулалісны израильсаяслӧн чомъяс, сэсся шуисны Исуслы да израильсаяслы: «Ми локтім тіян дінӧ ылі муысь. Кӧрталӧй миянкӧд йитӧд».

Нав Исус 9:6 Referans Kwoze

Нав Исус 5:10

Сійӧ тӧлысьӧ, кор Израиль пиян сувтісны Галгалӧ, дас нёльӧд лунӧ рытнас найӧ сёйисны ыджыдлунся баляӧс Ерикон ковтысын.

Ӧксыяслӧн 4 небӧг 20:14

Исай пророк локтіс Езекей ӧксы дінӧ да юаліс: «Мый висьталісны тайӧ йӧзыс? Кытысь найӧ волісны тэ дінӧ?» Езекей вочавидзис: «Найӧ волісны ылі муысь, Вавилонысь».

Ӧксыяслӧн 3 небӧг 8:41

Весиг кӧ йӧз муысь локтысь, коді абу Тэнад Израиль войтыр пӧвстысь, кылас Тэнад ыджыд нимыд, вына киыд да ён сойыд йылысь, локтас ылі муысь Тэнад нимыд вӧсна и кутас кевмысьны тайӧ крамланьыс бергӧдчӧмӧн,

Нав Исус 10:43

Сэсся Исус аслас тышкайӧзкӧд бӧр локтіс Галгалӧ сувтӧдӧм чомъясӧ.

Нав Исус 9:9

Найӧ вочавидзисны: «Ми, тэнад кесйӧгъяс, локтім зэв ылі муысь. Ми кывлім тіян Господь Енлӧн выныс йылысь. Кывлім, мый Сійӧ вӧчис Египетын

Нав Исус 9:5

Асьныс кӧмалісны дӧмлӧм кӧмъяс, пасьталісны киссьӧм паськӧм, туяныс босьтісны кос да чирйыссьӧм нянь.

Нав Исус 4:19

Медводдза тӧлысьлӧн дасӧд лунӧ Израиль войтыр вуджис Йӧрдан ю да сувтіс Галгалӧ. Сэтчӧ, Ериконсянь асыввылӧ, найӧ сувтӧдісны чомъяснысӧ.

Нав Исус 10:6

Гаваонса олысьяс мӧдӧдісны мортӧс Исус дінӧ Галгалӧ, кӧні сулалісны израильсаяслӧн чомъясыс, медым шуны: «Ми – тэнад кесйӧгъяс. Эн коль миянӧс, лок ӧдйӧджык миянлы отсӧг вылӧ. Мезды миянӧс, ӧд керӧсвыв муын олысь аморейяслӧн став ӧксыыс чукӧртчисны, медым уськӧдчыны миян вылӧ».