Нав Исус 9:14 - Коми Библия 2023

¹⁴ Господьлысь юасьтӧг израильсаяс видлісны локтысьяслысь няньсӧ.

Нав Исус 9:14 Referans Kwoze

Лыд 27:21

Нав Исус кутас шыасьны Элазар поп дінӧ, а поп кутас юасьны Господьлысь урим пыр. Господьлӧн шуӧм серти войтырыскӧд сійӧ кутас петны тышӧ, и Господьлӧн шуӧм серти бӧр локны тыш вылысь».

Ёрдысьяс 1:1

Исуслӧн кулӧм бӧрын Израиль пиян юасисны Господьлысь: «Коді миян пӧвстысь медводдзаӧн петас ханаансаяслы паныд тышӧ?»

Яков 1:5

Тіян пиысь кӧ кодлыкӧ оз тырмы мывкыдлуныс, мед корӧ Енмыслысь, и сылы лоӧ сетӧма. Ӧд Енмыс быдӧнлы сетӧ лышкыда да шуасьтӧг.

Ездра 8:21

Ахава ю дорын ме тшӧкті видзавны, медым раммӧдчыны асланым Ен водзын да корны Сійӧс видзны миянӧс, челядьнымӧс да став эмбур-озырлуннымӧс туяным.

Ӧксыяслӧн 2 небӧг 5:19

Давид шыасис Господь дінӧ да юаліс: «Петны-ӧ меным филистимсаяслы паныд тышӧ? Сетан-ӧ Тэ найӧс менам киӧ?» Господь вочавидзис: «Пет. Ме сета филистимсаясӧс тэнад киӧ».

Ӧксыяслӧн 2 небӧг 2:1

Та бӧрын Давид юаліс Господьлысь: «Мунны-ӧ меным иудаса кутшӧмкӧ карӧ?» Господь вочавидзис: «Мун». «Кутшӧм карӧ?» – юаліс Давид. Господь шуис: «Хевронӧ».

Ёрдысьяс 20:18

Израильсаяс локтісны Вефильӧ да юалісны Енлысь: «Кутшӧм чужанкотырлы колӧ медводдзаӧн петны Венямин чужанкотырлы паныд тышӧ?» Господь вочавидзис: «Иуда чужанкотырлы».

Ӧксыяслӧн 1 небӧг 22:10

Ахимелек кевмысис Господьлы, медым Сійӧ туйдӧдас Давидӧс. Сэсся сетіс сылы сёян да филистимса Голиафлысь шыпуртсӧ».

Петӧм 28:30

Веськыда мыждӧмсӧ петкӧдлан морӧсводзӧ сюй урим да туммим. Тадзи найӧ лоасны Ааронлӧн сьӧлӧм бердас, кор сійӧ [вежаинӧ пыригӧн] локтас Господь водзӧ. Господь водзӧ локтігӧн моросводзсӧ Аарон мед пыр кутас новлӧдлыны сьӧлӧм бердас. Морӧсводзыс петкӧдлӧ Израиль пиянлы веськыда мыждӧмсӧ.

Нав Исус 9:13

Вина тыра кучик дозъясным выльӧсь вӧліны, а ӧні со косясьлӧмаӧсь. Кузь туй вӧсна миян паськӧмным дзикӧдз киссьӧма».