Нав Исус 7:25 - Коми Библия 2023

²⁵ Исус шуис: «Сыысь, мый тэ вайин миянлы шог, Господь вайӧ талун шогсӧ тэныд». Израильсаяс изъялісны Аканӧс да сылысь котырсӧ, сэсся сотісны да тыртісны изъясӧн.

Нав Исус 7:25 Referans Kwoze

Нав Исус 6:18

Став эзысь-зарнисӧ, ыргӧн да кӧрта кӧлуйсӧ колӧ вежӧдны-торйӧдны Господьлы да вайны Сылы озырлун видзанінӧ».

1 Каднебӧг 2:7

Кармилӧн вӧлі Акар нима пи. Сійӧ торкис Господьлы сиӧмтор йылысь тшӧктӧмсӧ, та вӧсна вайис шог Израильлы.

Индӧд 17:5

сэки сійӧс вӧчысь айловӧс либӧ аньӧс вайӧдӧй карса дзиръя дорӧ да изъялӧй кувтӧдзыс.

Левит 24:14

«Петкӧд тайӧ омӧльтысьсӧ чомъяс сайӧ. Найӧ, кодъяс кывлісны сылысь омӧльтӧмсӧ, мед пуктыласны кинысӧ сылы юр вылас. Сэсся став войтырыс мед изъялас сійӧс.

Левит 20:2

«Висьтав Израиль пиянлы: мед виасны мортӧс, коді сетас ныв-писӧ Молок идоллы. Израиль войтыр мед изъялас тайӧ мортсӧ, Израиль войтырысь-ӧ сійӧ либӧ йӧз муысь локтысь.

Еврейяслы 12:15

Видзчысьӧй, мед тіян пӧвстысь некод эз вошты Енлысь буралӧмсӧ. Некутшӧм курыд вуж мед оз вужъясь тіян пӧвстӧ, оз вай тіянлы лёксӧ да оз пежав некодӧс.

2 Фессалоникаӧ 1:6

Енмыс веськыда вӧчӧ: тіянӧс дзескӧдысьяслы Сійӧ мынтысьӧ дзескӧдӧмӧн.

Галатӧ 5:12

Тіянӧс падмӧдысьяс, колӧкӧ, мед кодзасны асьнысӧ!

Нав Исус 7:15

Кор лоӧ аддзӧма Господьлы сиӧмтор босьтысь мортӧс, сотӧй биын сійӧс да ставсӧ, мый сылӧн эм. Ӧд сійӧ шогмытӧмтор вӧчис Израильын да торкис Господьлысь йитӧдсӧ, мый Сійӧ кӧрталіс тіянкӧд».

Индӧд 21:21

Карса олысьяс мед изъяласны сійӧс кувтӧдзыс. Бырӧдӧй лёксӧ ас пӧвстсьыныд. Став Израиль войтыр мед кылас та йылысь да кутас повны.

Индӧд 13:10

Сійӧ кежӧдӧ тіянӧс Господьысь, тіян Енмысь, коді петкӧдіс тіянӧс Египетысь нартитӧм улысь. Таысь сійӧс колӧ изъявны кувтӧдзыс.

Левит 21:9

Поплӧн нылыс кӧ пежалас асьсӧ кырсалӧмӧн, сійӧ янӧдас батьсӧ. Нывсӧ колӧ сотны.

Левит 20:14

Коді гӧтырӧ босьтас аньӧс да сылысь мамсӧ, сійӧ зывӧктор вӧчӧ. Найӧс куимнаннысӧ колӧ биын сотны, медым тіян пӧвстын эз вӧв пеж вӧчӧмыс.

Олӧм 38:24

Коли тӧлысь куим. Иудалы висьталісны, мый сылӧн Фамар моньыс кырсалӧма да кынӧмасьӧма. Иуда шуис: «Петкӧдӧй сійӧс да сотӧй».

Олӧм 34:30

Яков шуис Симеонлы да Левийлы: «Ті шогӧ уськӧдінныд менӧ. Ті вӧчинныд менӧ мустӧмӧн татчӧс олысьяслы, ханаансаяслы да перезейяслы. Ми ӧд этшаӧнӧсь. Найӧ кӧ чукӧртчасны миянлы паныд, сэки пасьвартасны миянӧс, бырӧдасны менӧ и гортсаӧс».

Ӧксыяслӧн 1 небӧг 14:29

«Шог суис тайӧ войтырсӧ батьӧй вӧсна», – майшасис Ионафан. Сэсся шуис: «Видзӧдлӧй, менам синмӧй югзис масӧ видлӧм бӧрын.

Индӧд 13:11

Став Израиль войтыр мед кылас та йылысь да кутас повны, сэсся некод тіян пӧвстысь оз кут вӧчны татшӧм лёкторсӧ.

Шусьӧгъяс 1:19

Татшӧм туйыс сылӧн, коді горшасьӧ йӧз эмбур вылӧ, сэті мунысь воштӧ ловсӧ.

Шусьӧгъяс 15:27

Горшасьысь аслас керкаӧ шог вайӧ, а коді козинъяс вылӧ абу горш, сійӧ дыр олӧ.