Нав Исус 7:11 - Коми Библия 2023

¹¹ Израиль войтыр мыж вӧчис. Найӧ торкисны йитӧдӧс, мый Ме кӧрталі накӧд. Меным сиӧмторйысь аслыныс юкӧн босьтісны. Тадзи найӧ гусясисны да гусялӧмторсӧ асланыс кӧлуй улас дзебисны.

Нав Исус 7:11 Referans Kwoze

Еврейяслы 4:13

Енсьыс некод оз дзебсьы, Сылы ставыс восьса, ставыс тыдалана. Сылы ставсьыс сетам вочакыв.

Ап. уджъяс 5:9

Петыр шуис: «Мыйла нӧ сёрнитчӧмныд пӧрйӧдлыны Господьлысь Ловсӧ? Кылан-ӧ ӧдзӧс сайысь кок шыяссӧ? Тэнсьыд верӧстӧ гуалысьяс локтӧны, ӧні тэнӧ тшӧтш петкӧдасны».

Матвей 22:21

Найӧ вочавидзисны: «Кесарлӧн». Исус шуис налы: «Кесарлысь сетӧй кесарлы, а Енлысь – Енлы».

Закар 5:4

Тайӧ ёрӧмсӧ мӧдӧді Ме, – висьталӧ Господь Саваоф. – Ёрӧмыс пырас гусясьысьлӧн керкаӧ да сы ордӧ, коді пӧръясьӧмӧн кӧсйысьӧ Менам нимӧн. Ёрӧмыс овмӧдчас сылӧн керкаӧ, ставнас пазӧдас сійӧс, весиг пусӧ и изсӧ жуглас.

Аввакум 2:6

Но ставныс найӧ лэптасны сійӧс серамвыв, лӧсьӧдласны сы йылысь омӧльтана сьыланкывъяс: – Курыд шог сылы, коді горшсӧ паськӧдӧ йӧз эмбур вылӧ, коді озырмӧдчӧ водзӧс сетӧмӧн. Тадзи оз дыр ло!

Осий 6:7

Адам карын ті торкинныд йитӧдсӧ, сэні эскытӧмлунныд вӧсна эновтінныд Менӧ.

Еремей 31:32

Тайӧ йитӧдыс оз ло сэтшӧм, кутшӧмӧс Ме кӧрталі налӧн батьяскӧд, кор босьті найӧс киӧдныс да петкӧді Египет муысь. Ме вӧлі налӧн Ыджыдӧн, но найӧ торкисны йитӧдӧс, мый Ме кӧрталі накӧд, – висьталӧ Господь.

Исай 24:5

Му вылын олысьяс пежалісны мусӧ, ӧд найӧ ӧтдортісны Енлысь Индӧдсӧ, нинӧмӧ пуктісны Сылысь тшӧктӧмъяссӧ, пыр кежлӧ кӧрталӧм йитӧдсӧ торкисны.

Ӧксыяслӧн 4 небӧг 18:12

Тайӧ ставыс суис Израиль войтырӧс сы понда, мыйла найӧ эз кывзысьны асланыс Господь Енлысь, торкисны Господьлысь йитӧдсӧ, мый Сійӧ кӧрталіс накӧд, торкисны став индӧд-тшӧктӧмсӧ, мый сетліс налы Мӧисей, Господьлӧн кесйӧг. Найӧ эз кывзыны сылысь тшӧктӧмъяссӧ да эз овны на серти.

Ёрдысьяс 2:20

Господь скӧрмис Израиль войтыр вылӧ да шуис: «Сыысь, мый тайӧ войтырыс торкис Менсьым йитӧдӧс, мый Ме кӧрталі налӧн батьяскӧд, да дугдіс кывзысьны Менсьым,

Нав Исус 23:16

Ті кӧ торканныд асланыд Господь Енлысь йитӧдсӧ, мый Сійӧ кӧрталіс тіянкӧд, да кутанныд кесъявны-юрбитны мукӧд енъяслы, сэки Господьлӧн скӧрлуныс ӧзъяс тіян вылӧ, и регыдъя кадӧн ті быранныд тайӧ бур му вывсьыс, мый Господь сетіс тіянлы».

Нав Исус 7:1

Но Израиль пиян торкисны Господьлы сиӧмтор йылысь тшӧктӧмсӧ [да сиӧмторйысь босьтісны аслыныс]. Акан, коді вӧлі Иуда чужанкотырысь Зерах Завдий Кармилӧн пи, Господьлы сиӧмторйысь мыйкӧ вӧлі босьтӧма аслыс. Та вӧсна Господьлӧн скӧрлуныс ӧзйис Израиль пиян вылӧ.

Индӧд 17:2

Господьӧн, тіян Енмӧн, сетӧм карын кӧ айлов либӧ ань вӧчас Господь Енныд водзын шогмытӧмсӧ – торкас йитӧдсӧ, мый Сійӧ кӧрталіс тіянкӧд,

Левит 5:15

«Коді тӧдлытӧг Господьлӧн вежаторлы паныд мыж вӧчас, сійӧ лоӧ мыжа. Та вӧсна мед ваяс Господьлы мыж вештан вись пыдди аслас ыж чукӧрысь дзоньвидза межӧс. Мыж вештан висьлысь донсӧ тэныд колӧ индыны эзысьӧн вежаинса сикель серти.

Нав Исус 7:10

Господь шуис Исуслы: «Чеччы! Мыйла тэ уськӧдчин чужӧм вылад?

Ӧксыяслӧн 1 небӧг 14:38

Сэки Саул корис ас дінас став израильса юралысьсӧ да шуис: «Тӧдмалӧй, коді мыжсӧ вӧчис.

Ӧксыяслӧн 4 небӧг 5:24

Кор найӧ воисны ыбвывса карӧ, Гезий босьтіс Нееманлӧн кесйӧгъяслысь козинсӧ да дзебис гортас. Сэсся тшӧктіс кесйӧгъяслы мунны.