Нав Исус 7:1 - Коми Библия 2023

¹ Но Израиль пиян торкисны Господьлы сиӧмтор йылысь тшӧктӧмсӧ [да сиӧмторйысь босьтісны аслыныс]. Акан, коді вӧлі Иуда чужанкотырысь Зерах Завдий Кармилӧн пи, Господьлы сиӧмторйысь мыйкӧ вӧлі босьтӧма аслыс. Та вӧсна Господьлӧн скӧрлуныс ӧзйис Израиль пиян вылӧ.

Нав Исус 7:1 Referans Kwoze

Нав Исус 22:20

Ӧд кор Зерахлӧн Акан пиыс торкис Господьлы сиӧмтор йылысь тшӧктӧм, сэки став Израиль войтыр вылӧ лэччис Господьлӧн скӧрлуныс. Аслас мыж вӧсна эз ӧтнас Акан кув».

Еклесиаст 9:18

Мывкыдлуныд шыпурт дорысь бурджык, но ӧти мыжа морт бырӧдӧ уна буртор.

1 Каднебӧг 21:7

Енмыслы шогмытӧм вӧлі йӧзсӧ лыддьӧмыс, и Сійӧ мыждіс Израильӧс.

Нав Исус 22:18

Талун ті бергӧдчинныд Господьысь да кыпӧдчинныд Сылы паныд, а аски Господь скӧрмас став Израиль войтыр вылӧ.

Нав Исус 22:16

«Господьлӧн став войтырыс юасьӧ, мыйла ті эновтінныд [Господьӧс] Израильлысь Енсӧ. Ті бергӧдчинныд Господьысь [Израильлӧн Енмысь], кор вӧчинныд аслыныд висьпуктанін. Тадзи ті кыпӧдчинныд Господьлы паныд.

Иона 1:7

Кывтысьяс шуисны ӧта-мӧдныслы: «Пудъясям, мед тӧдны, код вӧсна миянӧс суис тайӧ шогыс». Пудъясисны да, петкӧдліс Иона вылӧ.

Ездра 9:6

Ме шуи: «Енмӧй, меным сэтшӧм яндзим, весиг пола лэптыны синмӧс Тэлань, ӧд лёк вӧчӧмным содӧма-быдмӧма юрысь вылӧджык на, ыджыд мыжным кыптӧма енэжӧдзыс.

2 Каднебӧг 24:18

Найӧ эновтісны Господьлысь крамсӧ, асланыс батьяслӧн Енлысь крамсӧ, да пондісны юрбитны пуяслы да идолъяслы. Тайӧ мыжсьыс Иудаын да Ерусалимын олысьяс вылӧ киссис Енлӧн скӧрлуныс.

Ӧксыяслӧн 2 небӧг 24:1

Господь бара чорыда скӧрмис израильсаяс вылӧ. Медым ыззьӧдны Давидӧс налы паныд Сійӧ шуис: «Мун да артав Израиль да Иуда войтырлысь лыдсӧ».

Даниил 9:7

Господьӧй, Тэ веськыда вӧчан, а миянлы ставнымлы ӧні юръяндзим. Ми эновтім Тэнӧ, та вӧсна Тэ вӧтлін миянӧс Иуда муысь, Ерусалимысь да став Израиль муысь ылі да маті муясӧ.

Левит 10:6

Ааронлы, сылӧн Элазар да Итамар пиянлы Мӧисей шуис: «Паськӧмнытӧ энӧ косялӧй, юрнытӧ вевттьӧй, медым ті энӧ кулӧй, и став войтырыс мед эз веськав Енлӧн скӧрлун улӧ. Но тіян вокъясныд, став Израиль войтыр, мед бӧрдасны на вӧсна, кодъясӧс Господь сотіс.

Ӧксыяслӧн 4 небӧг 5:24

Кор найӧ воисны ыбвывса карӧ, Гезий босьтіс Нееманлӧн кесйӧгъяслысь козинсӧ да дзебис гортас. Сэсся тшӧктіс кесйӧгъяслы мунны.

Олӧм 34:27

Сэсся Яковлӧн пияныс бӧр локтісны да петкӧдісны карсьыс став озырлунсӧ. Тадзи найӧ вӧчисны Дина чойнысӧ янӧдӧм вӧсна.

Иов 35:8

Тэнад мыж вӧчӧмыд инмӧ мортлы, тэнад веськыда олӧмыд – мувывса олысьлы.