Нав Исус 6:26 - Коми Библия 2023

²⁶ Исус нималіс став му пасьталаыс, ӧд Господь вӧлі сыкӧд.

Нав Исус 6:26 Referans Kwoze

Ӧксыяслӧн 3 небӧг 16:34

Ахавлӧн юралігӧн вефильса Хиэл выльысь лэптіс Ерикон кар. Карлы подув пуктӧмысь сійӧ воштіс медводдза чужысь Авирам писӧ, а карса дзиръя сувтӧдӧмысь воштіс Сегув нима медічӧт писӧ. Тадзи иніс Господьлӧн шуӧмыс, мый Сійӧ висьталіс Навлӧн Исус пи пыр.

Ап. уджъяс 19:13

Весиг ветлысь-мунысь иудей тунъяс пиысь кодсюрӧ пондісны вӧтлавны пеж ловъясӧс Господь Исус нимӧн. Найӧ шуалісны пеж ловъяслы: «Петӧй! Тшӧктам Исус нимӧн, кодӧс висьталӧ Павел».

Матвей 26:63

Исус чӧв оліс. Аркирей шуис: «Ловъя Ен водзын висьтав миянлы, Тэ-ӧ Кристос, Ен Пи».

Малакий 1:4

Эдом войтыр кӧ шуас, миянлысь каръяснымӧс пӧ жугӧдӧма-пазӧдӧма, но ми пӧ выльысь лэптам найӧс, Господь Саваоф сэки воча шуас: – Мед найӧ выльысь лэптасны, а Ме жугӧда. Налысь мусӧ нимтасны пеж муӧн, найӧс шуасны войтырӧн, кодӧс Господь ёрӧма пыр кежлӧ.

Ӧксыяслӧн 3 небӧг 22:16

Но ӧксы воча шуис сылы: «Кымынысь меным колӧ тшӧктыны, мед тэ кыв сетін, мый Господь нимсянь тэ висьталан меным сӧмын збыльсӧ?»

Ӧксыяслӧн 4 небӧг 2:4

Илля шуис Елисейлы: «Кольччы татчӧ, Елисей, а менӧ Господь тшӧктӧ мунны Ериконӧ». Но Елисей вочавидзис: «Ловъя Господь водзын да тэ водзын шуа: ме тэысь ог кольччы». И найӧ ӧтлаын мунісны Ериконӧ.

Нав Исус 16:7

Янохсянь мудорыс лэччӧ Атаротӧ да Наараӧ, мунӧ Ерикон дорті да воӧ Йӧрдан юӧдз.