Нав Исус 6:25 - Коми Библия 2023

²⁵ Ерикон кар бырӧдӧм бӧрын Исус кыв сетӧмӧн шуис: «Господь водзын ёрӧма сійӧс, коді выльысь лэптас Ерикон кар. Карыслы подув пуктӧм вӧсна сійӧ воштас медводдза писӧ, а карса дзиръя сувтӧдӧм вӧсна – медічӧт писӧ. [Карыслы подув пуктӧм вӧсна Вефильысь Азан воштіс ассьыс медводдза писӧ, Авирамӧс, а карса дзиръя сувтӧдӧм вӧсна сійӧ воштіс медічӧт писӧ.]»

Нав Исус 6:25 Referans Kwoze

Еврейяслы 11:31

Эскӧм вӧсна Раав нима кырсалысь ань эз кув эскытӧмъяскӧд ӧтвыв, ӧд сійӧ бур сьӧлӧмӧн сибӧдіс израильса кыйӧдчысьясӧс.

Яков 2:25

Тадзи вӧлі тшӧтш Раавкӧд, кырсалысь анькӧд. Сійӧ сибӧдіс гортас израильса кыйӧдчысьясӧс да отсаліс налы пышйыны мӧд туйӧд. Тайӧ бур вӧчӧмыс вӧсна Енмыс лыддис сійӧс веськыдӧн.

Матвей 1:5

Салмонлӧн чужӧма Вооз, сылӧн мамыс вӧлӧма Раав. Воозлӧн чужӧма Овид, сылӧн мамыс вӧлӧма Руфа. Овидлӧн чужӧма Ессей,

Нав Исус 2:6

Збыльвылас ань нуӧдіс кыйӧдчысьясӧс керка вевт вылас да дзебис найӧс шабді кольтаяс улӧ.

Ап. уджъяс 2:21

И быдӧн, коді шыасяс Господь дінӧ, мездмас.

Нав Исус 4:9

Нӧшта дас кык из Исус сувтӧдіс Йӧрдан ю шӧрӧ, кӧні сулалісны [Господьлысь] Йитӧд куд нуысь попъяс. Ӧнӧдз тайӧ изъясыс сэнӧсь.

Нав Исус 2:1

Ситтимсянь Навлӧн Исус пиыс гусьӧн мӧдӧдіс кык кыйӧдчысьӧс. Налы шуис: «Ветлӧй тӧдмавны Ханаан мусӧ да Ерикон карсӧ». Найӧ мунісны [Ериконӧ] да пырисны керкаӧ, кӧні оліс Раав нима кырсалысь ань. Найӧ узьмӧдчисны сы ордӧ.

Нав Исус 2:4

Но Раав дзебис сы ордӧ локтӧм кык мортӧс, а ӧксыӧн мӧдӧдӧм йӧзыслы шуис: «Збыльысь, ме ордӧ волісны кык морт, но кытысь найӧ, ме ог тӧд.

Нав Исус 2:18

Миян локтігкежлӧ кӧртав тайӧ югыдгӧрд кӧвсӧ ӧшиняд, кыті миянлы отсалін лэччыны. Тэнад бать-мамыд, вокъясыд да батьыдлӧн став рӧдыс мед локтасны тэ ордӧ.