Нав Исус 5:9 - Коми Библия 2023

⁹ Господь шуис Исуслы: «Египетын яналӧмнытӧ талун Ме вешті тіян вылысь». Та вӧсна тайӧ местаыс ӧнӧдз шусьӧ Галгал.

Нав Исус 5:9 Referans Kwoze

Ӧксыяслӧн 1 небӧг 17:26

Давид юаліс сыкӧд орччӧн сулалысьяслысь: «Мый вичмас сійӧ мортыслы, коді виас тайӧ вундыштчытӧм филистимсасӧ да вештас Израиль вылысь янӧдӧмсӧ? Коді сійӧ сэтшӧмыс, мый лысьтӧ увтыртны ловъя Енлысь тышкайӧзсӧ?»

Нав Исус 4:19

Медводдза тӧлысьлӧн дасӧд лунӧ Израиль войтыр вуджис Йӧрдан ю да сувтіс Галгалӧ. Сэтчӧ, Ериконсянь асыввылӧ, найӧ сувтӧдісны чомъяснысӧ.

Олӧм 34:14

Шуисны [Диналӧн Симеон да Левий вокъясыс, Лиялӧн пияныс]: «Огӧ вермӧй сетны чойнымӧс вундыштчытӧм морт сайӧ, ӧд тайӧ миянӧс янӧдӧ.

Левит 24:14

«Петкӧд тайӧ омӧльтысьсӧ чомъяс сайӧ. Найӧ, кодъяс кывлісны сылысь омӧльтӧмсӧ, мед пуктыласны кинысӧ сылы юр вылас. Сэсся став войтырыс мед изъялас сійӧс.

Езекиль 23:8

Том кадас на сійӧ пондіс кырсавны Египетын. Египетсаяс узьлісны сыкӧд, шамралісны сылысь нывдырся нёньяссӧ да могмӧдісны ассьыныс колӧм-кӧсйӧмнысӧ. Тайӧ кадсяньыс Огола эз и дугдывлы кырсавнысӧ.

Езекиль 23:3

Том кадсяньыс найӧ кырсалісны Египетын олігас. Сэні налысь морӧссӧ чабралісны, нывдырся нёньяссӧ шамралісны.

Еремей 9:25

Матыстчӧны лунъяс, – висьталӧ Господь, – кор Ме кута мыждыны вундыштчӧмаясӧс и вундыштчытӧмъясӧс.

Ӧксыяслӧн 1 небӧг 17:36

Ме виавлі левӧс и ошкӧс. Тайӧ вундыштчытӧм филистимсаыскӧд тшӧтш тадзи лоӧ. Сійӧ ӧд увтыртӧ ловъя Енлысь тышкайӧзсӧ. [Ме муна да верма сійӧс, мед вештыны янӧдӧмсӧ Израиль вылысь. Тайӧ вундыштчытӧмыс миянлы некод.]»

Ӧксыяслӧн 1 небӧг 14:6

Ионафан шуис аслас кесйӧглы: «Лок мунам тайӧ вундыштчытӧм тышкакотырыс дінӧ. Гашкӧ, Господь отсалас миянлы. Сійӧ вермӧ мездыны Ассьыс войтырсӧ уна йӧз пыр либӧ некымын морт пыр».

Нав Исус 24:14

Сідзкӧ, полӧй Господьысь да кесъялӧй Сылы сӧстӧм сьӧлӧмӧн да веськыда. Эновтчӧй енъясысь, кодъяслы кесъялісны батьясныд Ефрат ю сайын да Египетын. Кесъялӧй сӧмын Господьлы.

Нав Исус 5:8

Мыйӧн ставнысӧ вӧлі вундыштӧма, найӧ асланыс чомъясын виччысисны бурдӧм.

Ӧксыяслӧн 1 небӧг 7:16

та вӧсна сійӧ быд во кытшовтліс Вефиль, Галгал да Миспа каръяс.

Ӧксыяслӧн 2 небӧг 19:15

Ӧксы петіс туйӧ да воис Йӧрдан ю дорӧ. А Иуда войтыр локтіс Галгалӧ, мед вочаавны ӧксыӧс да вуджӧдны сійӧс Йӧрдан ю вомӧн.

Микей 6:5

Войтырӧй, эн вунӧд, мый мӧвпыштіс вӧчны моавса Валак ӧксы, мый сылы вочавидзис Веорлӧн Валаам пиыс, мый вӧлі тіянкӧд Ситтимсянь Галгалӧдз. Ставсӧ тайӧс уськӧд тӧд вылад, медым тӧдін Господьлысь веськыдлунсӧ.

Софоний 2:8

Ме кывлі Моавлысь омӧльтӧмсӧ, кывлі аммон войтырлысь лёкӧдӧмсӧ, кыдзи найӧ увтыртісны Менсьым войтырӧс, кыдзи повзьӧдлісны, мый уськӧдчасны на вылӧ.

Неемий 12:29

Бет-Гилгалысь, Гева да Азмавет гӧгӧр ыбъяс вылысь, ӧд сьылысьяс лэптісны сиктъяснысӧ Ерусалим гӧгӧр.

Осий 4:15

Тэ, Израиль, кырсалан, но Иуда мед оз кырсав. Энӧ мунӧй Галгалӧ, энӧ кайӧй Бет-Авенӧ, энӧ сетӧй кывнытӧ ловъя Господь водзын.

Амос 5:5

Энӧ Вефильысь Менӧ корсьӧй, энӧ мунӧй юрбитны Галгалӧ, энӧ ветлӧдлӧй Бер-Шеваӧ. Ӧд Галгалын олысьясӧс пленӧ нуӧдасны, Вефиль нинӧмӧдз воас.