Нав Исус 4:23 - Коми Библия 2023

²³ ӧд Господь, тіян Енныд, косьтіс Йӧрдан ю тіян водзысь, кытчӧдз ставныд энӧ вуджӧй сійӧс. Тадзи Господь, тіян Енныд, вӧчис тшӧтш Гӧрд саридзкӧд. Сійӧ косьтіс саридзсӧ миян водзысь, кытчӧдз ми эгӧ вуджӧй сійӧс.

Нав Исус 4:23 Referans Kwoze

Петӧм 14:21

Мӧисей нюжӧдіс кисӧ саридзлань, и Господь войбыд йӧткис васӧ ён асыв тӧлӧн. Ваыс вешйис ӧтарӧ-мӧдарӧ, и тыдовтчис саридз пыдӧсыс.

Исай 43:16

Господь восьтіс саридз пыр мунан туй, джуджыд ва пыр мунан туй, петкӧдіс тарантасъяс, вӧвъясӧс да вына тышкайӧзӧс – найӧ ставныс усисны, эз чеччыны, найӧ сись моз кусісны-сылісны. Господь тадзи висьталӧ:

Псалтыр 78:13

А ми, Тэнад войтырыд, Тэнад йӧрысь ыжъясыд, кутам помтӧг нимӧдны Тэнӧ, кутам ошкыны Тэнӧ чужысьяссянь чужысьясӧдз.

Неемий 9:11

Миян батьяс водзын Тэ шӧри поткӧдін саридз, и найӧ вуджисны сійӧс косінті. На бӧрся вӧтчысьясӧс Тэ вӧйтін джуджыд саридзӧ, изйӧс моз шыбитін бузгысь ваӧ.

Ӧксыяслӧн 3 небӧг 8:43

сэки Тэ кыв сійӧс енэжсяньыд, Аслад оланінсянь. Кора Тэнӧ, вӧч йӧз муысь локтысьлӧн кевмӧм серти, медым мувывса войтыръяс тӧдісны Тэнсьыд нимтӧ да Тэнад Израиль войтырыд моз полісны-вежавидзисны Тэысь. Сэки найӧ тӧдмаласны, мый Тэнад нимлы сиӧма тайӧ крамсӧ, мый ме лэпті.

Петӧм 15:19

Кор фараонлӧн вӧла-тарантаса тышкайӧзыс воисны саридз шӧрӧдз, Господь бергӧдіс гыяссӧ на вылӧ. А Израиль пиян мунісны саридз шӧрӧд косінті.