Нав Исус 3:17 - Коми Библия 2023

¹⁷ Войтырыс вуджис Йӧрдан юсӧ Ерикон кар весьтӧд. Господьлысь Йитӧд куд нуысь попъяс сулалісны Йӧрдан ю шӧрын косінас, кытчӧдз Израиль пиян эз вуджны Йӧрдан юсӧ косінті.

Нав Исус 3:17 Referans Kwoze

Петӧм 14:29

А Израиль пиян мунісны саридз шӧрӧд косінті. Налӧн веськыдладорсянь и шуйгаладорсянь ваыс сулаліс стен моз.

Петӧм 14:22

Израиль пиян мӧдӧдчисны саридз шӧрӧд косінтіыс. Налӧн веськыдладорсянь и шуйгаладорсянь ваыс сулаліс стен моз.

Псалтыр 66:6

Енмӧй, войтыръяс мед ошкасны Тэнӧ, став войтыръяс мед нимӧдасны Тэнӧ.

Исай 25:8

Кулӧмсӧ лоӧ бырӧдӧма пыр кежлӧ! Господь Ыджыдыс чышкалас синвасӧ быд мортлӧн чужӧмбанысь, став му пасьтала Аслас войтыр вылысь вештас янӧдӧмсӧ. Тадзи висьталӧ Господь.

Ӧксыяслӧн 4 небӧг 2:8

Илля пӧрччис ассьыс кышансӧ, гартыштіс сійӧс да кучкис сыӧн ваӧ. Ваыс шӧри потіс, и найӧ вуджисны юсӧ косінті.

Нав Исус 4:3

Тшӧктӧй налы Йӧрдан ю шӧрысь, кӧні сулалӧны попъяс, босьтны дас кык из. Тайӧ изъяссӧ мед найӧ аскӧдныс нуасны да пуктасны сэтчӧ, кытчӧ тавой узьмӧдчасны».

Еврейяслы 11:29

Эскӧмӧн Израиль войтыр вуджис Гӧрд саридз вомӧн. Найӧ мунісны сэті косінті моз. Египетсаяс тшӧтш на моз кӧсйисны вуджны, но ставныс вӧйисны.

Петӧм 14:21

Мӧисей нюжӧдіс кисӧ саридзлань, и Господь войбыд йӧткис васӧ ён асыв тӧлӧн. Ваыс вешйис ӧтарӧ-мӧдарӧ, и тыдовтчис саридз пыдӧсыс.

Лыд 33:51

висьтавны Израиль пиянлы: «Кор ті вуджанныд Йӧрдан ю вомӧн Ханаан муӧ,

Нав Исус 4:1

Кор став войтырыс вуджис Йӧрдан ю вомӧн, Господь шуис Исуслы:

Нав Исус 4:22

Сэки ті висьталӧй налы, мый Израиль войтыр вуджис Йӧрдан юсӧ косінті,

Нав Исус 4:10

[Господьлысь] Йитӧд куд нуысь попъяс сулалісны Йӧрдан ю шӧрын, кытчӧдз эз вӧв вӧчӧма ставсӧ, мый Господь тшӧктіс Исус пыр войтырыслы. Исус вӧчис ставсӧ сідзи, кыдзи тшӧктіс Мӧисей. Войтырыс тэрмасьӧмӧн вуджис юсӧ.

Нав Исус 4:11

Став войтырыслӧн вуджӧм бӧрын Господьлысь [Йитӧд] куд нуысь попъяс вуджисны да бара сувтісны мунны войтырыс водзвылын.

Нав Исус 5:1

Йӧрдан ю рытыввылын олысь аморейяслӧн ӧксыяс да саридз бокын олысь ханаанса ӧксыяс кывлісны, мый Господь [Ен] косьтӧма Йӧрдан ю, и Израиль пиян вуджӧмаӧсь сійӧс. Таысь ӧксыясӧс полӧм босьтіс, Израиль пиянлы паныд сувтны найӧ эз лысьтны.