Нав Исус 24:12 - Коми Библия 2023

¹² Эз тіян шыпуртныд, эз тіян ньӧввужныд вӧтлы аморейяслысь кык ӧксыӧс тіян водзвылысь, а Меӧн мӧдӧдӧм гырысь зіяс.

Нав Исус 24:12 Referans Kwoze

Индӧд 7:20

Господь, тіян Енныд, мӧдӧдас на вылӧ гырысь зіясӧс, кытчӧдз оз кувны медбӧръя йӧзыс, кодъяс дзебсьӧны тіянысь.

Петӧм 23:28

Ме мӧдӧда гырысь зіясӧс, найӧ вӧтласны тіян водзысь [аморей,] хивей, [евус,] ханаан да хеттей войтыръясӧс.

Петӧм 23:31

Ме сета тіянлы му Гӧрд саридзсянь Филистим саридзӧдз да овтӧминсянь [ыджыд Ефрат] юӧдз. Тайӧ муысь олысьяссӧ Ме сета тіян киӧ, и ті вӧтланныд найӧс.

Псалтыр 80:9

Кывзы, Менам войтырӧй, Ме ӧлӧда тэнӧ. Тэ кӧ эськӧ кывзысин Менсьым, Израиль!

Лыд 21:31

Тадзи Израиль войтыр овмӧдчис аморейяслӧн муӧ.

Лыд 21:32

Мӧисей мӧдӧдіс видзӧдлыны Язер кар. Израильсаяс босьтісны [карсӧ да] сыгӧгӧрса сиктъяссӧ, вӧтлісны сэтысь аморейясӧс.

Индӧд 4:46

Йӧрдан сайын, Бет-Пеорлы воча ковтысын, аморейяслӧн Сигон ӧксылӧн муын. Сигон юраліс Хешбон карын, но сійӧс пасьвартісны Мӧисей да Израиль пиян Египетысь петӧм бӧрын.

Индӧд 4:47

Найӧ босьтісны аслыныс сылысь мусӧ да тшӧтш васанса Ог ӧксылысь мусӧ. Аморейяслӧн тайӧ кык ӧксыыслӧн муясыс куйлісны Йӧрдан асыввылын.

Индӧд 31:4

И тайӧ войтыръясыслы Господь вӧчас сійӧ жӧ, мый вӧчис Сигонлы да Оглы, [Йӧрдан ю таладорын олысь] аморейяслӧн ӧксыяслы, кор бырӧдіс найӧс да налысь мусӧ.

Нав Исус 2:10

Ми кывлім, кыдзи Господь [Ен] тіян водзын косьтӧма Гӧрд саридзсӧ, кор ті петӧмныд Египетысь. Ми кывлім, мый ті вӧчӧмныд Йӧрдан ю сайын олысь аморейяслӧн Сигон да Ог ӧксыяскӧд. Ті бырӧдӧмныд найӧс,

Псалтыр 80:10

Мед оз лоны тэнад мукӧд енъяс, мукӧд войтырлӧн енъяслы эн копрась.

Псалтыр 135:11

Сійӧ петкӧдіс Израиль войтырӧс Египетысь, Сылӧн буралӧмыс оз помасьлы.