Нав Исус 23:14 - Коми Библия 2023

¹⁴ Меным воис кад мунны сэтчӧ, кытчӧ мунӧ мувывса быд олысь. Ас пытшканыд, асланыд сьӧлӧманыд, ті тӧданныд, мый Господь Енныдлӧн тіянлы кӧсйысьӧм кывйысь нинӧм збыльмытӧг эз коль, ставыс иніс.

Нав Исус 23:14 Referans Kwoze

Лука 21:33

Енэжыс да муыс бырас, а Менам кывъясӧй оз бырны.

Ӧксыяслӧн 3 небӧг 2:2

«Менам мувывса туйӧй помасьӧ. Но тэ ло зумыд да повтӧм.

Еклесиаст 9:10

Ставсӧ, мый верман, вӧч выныд серти. Ӧд кулӧмаяслӧн оланінас, кытчӧ тэ мунан, оз ло уджалӧмыс, мӧвпалӧмыс, тӧдӧмлуныс да мывкыдлуныс.

Лыд 23:19

Енмыс абу морт, оз ылӧдчы. Сійӧ абу морт, кывсӧ оз вежлав. Мый шуас, сійӧс и вӧчас. Мый кӧсйысяс, сійӧс и збыльмӧдас.

Ӧксыяслӧн 3 небӧг 8:56

«Ошкӧм Господь Енлы, коді сетіс Аслас Израиль войтырлы лӧнь олӧм, кыдзи и кӧсйысис. Сійӧ збыльмӧдіс став бур кӧсйысьӧмсӧ, мый шуліс Аслас Мӧисей кесйӧг пыр.

Ӧксыяслӧн 1 небӧг 3:19

Самуил быдмис, Господь вӧлі сыкӧд. Ставсӧ, мый сійӧ висьтавліс Господь нимсянь, Господь збыльмӧдіс.

Еклесиаст 12:5

Повны кутан выліинӧ кайӧмысь, туй вылын – лёкторъясысь. Миндаль пондас дзоридзавны, чирк – варгыльтны, каперс вотӧс вынтӧммас. Мортыс пыр кежлӧ мунӧ кулӧмаяс дінӧ, и бӧрдысьяс колльӧдчӧны туйяс вылын.

Петӧм 3:8

Та вӧсна Ме локті мездыны найӧс египетсаяслӧн кипод улысь. Ме петкӧда найӧс сійӧ мусьыс да нуӧда бур паськыд муӧ, кӧні визувтӧ йӧв да ма, – ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ.

Еврейяслы 9:27

Мортыслы шуӧма кувны ӧтчыдысь, сэсся лоӧ мыждӧм.

Иов 30:23

Ме тӧда: Тэ менӧ вайӧдан кулӧмас, сэтчӧ, кытчӧ чукӧртчас став ловъя олысьыс.

Езекиль 20:28

Ме вайӧді найӧс муӧ, мый киӧс лэптӧмӧн кӧсйыси сетны налы. Но быдлаын, кӧні аддзисны джуджыд мыльк либӧ пашкыр пу, найӧ кутісны вайны висьяснысӧ да вайӧмторъяснысӧ. Тайӧн найӧ скӧрмӧдісны Менӧ. Найӧ тшынӧдлісны сэні чӧскыд ӧвтанторъяснысӧ да кисьтавлісны вина висьнысӧ.

Олӧм 47:29

Израильлы воис кад кувны, и сійӧ корис Ӧсип писӧ да шуис сылы: «Ло бур сьӧлӧма ме дінӧ. Менам лядьвейӧ китӧ пуктӧмӧн кыв сет, мый он гуав менӧ Египетӧ.