Нав Исус 23:13 - Коми Библия 2023

¹³ сэки тӧдӧй, мый Господь, тіян Енныд, оз кут вӧтлыны тіян водзысь тайӧ войтыръяссӧ. Найӧ лоӧны тіянлы лэчкӧн да тывйӧн, тіянлысь мышкутӧ нӧйтысь орсӧн да синманыд пырысь ёгӧн, кытчӧдз онӧ бырӧй тайӧ бур му вывсьыс, мый сетіс тіянлы Господь, тіян Енныд.

Нав Исус 23:13 Referans Kwoze

Индӧд 7:16

Ті бырӧданныд войтыръясӧс, кодъясӧс Господь, тіян Енныд, сетас тіян киӧ. Сьӧлӧмнаныд на дінӧ энӧ нормӧй да налӧн енъяслы энӧ юрбитӧй, медым энӧ шедӧй налькйӧ.

Лыд 33:55

Сэтчӧс олысьяссӧ кӧ ті онӧ вӧтлӧй, найӧ лоӧны тіянлы синтӧ сутшкысьясӧн да боктӧ бытшкысьясӧн. Найӧ дзескӧдасны тіянӧс муын, кӧні ті кутанныд овны.

Петӧм 23:33

Тіян муын тайӧ войтыръясыс мед оз овны, ӧд найӧ кыскасны тіянӧс мыж вӧчны Меным паныд. Кутанныд кӧ юрбитны налӧн енъяслы, шеданныд налькйӧ».

Лука 21:24

Ӧтияс куласны шыпурт помысь, мӧдъясӧс мырдӧн нуӧдасны йӧз муӧ. Ерусалим карсӧ индӧм кадӧдз пондасны талявны ентӧдтӧмъяс».

2 Тимофейлы 2:26

Сэки найӧ мынасны омӧльыслӧн налькйысь, ӧд омӧльыс кыйӧма найӧс, медым веськӧдлыны наӧн.

Ӧксыяслӧн 4 небӧг 25:26

Та бӧрын став войтырыс ичӧтсянь ыджыдӧдз, тшӧтш тышкайӧзӧн веськӧдлысьяс, пышйисны Египетӧ. Найӧ ёна полісны калдеяса йӧзысь.

Индӧд 30:18

тіянӧс лоӧ бырӧдӧма. Тайӧс висьтала тіянлы талун. Ті дырсӧ онӧ олӧй сійӧ муас, [мый Господь, тіян Енныд, сетас тіянлы,] кытчӧ ті вуджанныд Йӧрдан ю сайӧ, медым босьтны сійӧс аслыныд.

Индӧд 29:28

Дӧзмӧмӧн, скӧралӧмӧн да ыджыд лӧглунӧн Господь нетшыштіс найӧс асланыс муысь да шыбитіс мӧд муӧ, кӧні найӧ ӧні на олӧны”.

Индӧд 4:26

Талун енэжыс да муыс водзын шуа, мый татшӧмсӧ вӧчӧм вӧсна ті регыдъя кадӧн быранныд сійӧ му вывсьыс, кодӧс босьтны вуджанныд Йӧрдан ю сайӧ. Ті онӧ дыр кутӧй сэні овны, тіянӧс лоӧ бырӧдӧма.

Ӧксыяслӧн 4 небӧг 25:21

Ривлаын, Хамат муын, вавилонса ӧксы виис найӧс. Тадзи Иуда войтырӧс вӧлі нуӧдӧма пленӧ аслас муысь.

Ӧксыяслӧн 3 небӧг 11:4

асланыс енъяс дорӧ. Пӧрысьладорыс Соломонлӧн сьӧлӧмыс эз вӧв йитчӧма аслас Господь Енкӧд сідзи, кыдзи вӧлі Давид батьыслӧн.

Петӧм 10:7

Фараонлӧн йӧзыс шуисны сылы: «Дыр-ӧ на миянлы сьӧкыдавны тайӧ мортыс понда? Лэдз тайӧ войтырсӧ, мед мунасны да юрбитасны Господьлы, асланыс Енлы. Он ӧмӧй аддзы, мый Египетным быранвыйын?»

Петӧм 34:12

Видзӧдӧй, медым сійӧ муын, кытчӧ ті овмӧдчанныд, энӧ кӧрталӧй йитӧд сэні олысьяскӧд. Кӧрталанныд кӧ, налькйӧ шеданныд.

Петӧм 34:16

Налысь нывъяссӧ пияныдлы гӧтырӧ энӧ босьтӧй [и ассьыныд нывъястӧ налӧн пиян сайӧ энӧ сетӧй]. Ті кӧ кутанныд босьтны налысь нывъяссӧ пияныдлы гӧтырӧ, сэки найӧ кыскасны пияннытӧ ас бӧрсяныс, и пиянныд кырсалысьяс моз сетчасны налӧн енъяслы.

Езекиль 28:24

Израиль войтырлӧн оз нин лоны сійӧс мустӧмтысь орччӧн олысьясыс, кодъяс ёсь лежнӧг моз сутшкалӧны-дойдалӧны. Сэки найӧ тӧдмаласны, мый Ме – Господь Ыджыдыс.

Ёрдысьяс 2:21

Ме ог кут вӧтлыны на водзысь войтыръясӧс, кодъяс колисны тайӧ муас Нав Исуслӧн кулӧм бӧрын.

Ӧксыяслӧн 4 небӧг 17:18

Господь чорыда скӧрмис Израиль войтыр вылӧ, вештіс найӧс Аслас чужӧмбан водзысь, а колис сӧмын Иуда чужанкотырӧс.

Ӧксыяслӧн 4 небӧг 17:20

Господь бергӧдчис Израильлӧн став чужанкотырысь, ыстіс налы уна шог да сетіс найӧс куштысь-мырддялысьяс киӧ. Сійӧ вӧтліс найӧс Аслас чужӧмбан водзысь.