Нав Исус 23:12 - Коми Библия 2023

¹² Но кежанныд кӧ Сыысь да ӧтувтчанныд тіян пӧвстӧ кольӧм войтыръяскӧд, кутанныд рӧдвужасьны да сорласьны накӧд,

Нав Исус 23:12 Referans Kwoze

Индӧд 7:3

Энӧ рӧдвужасьӧй накӧд: ассьыныд нывъястӧ налӧн пиян сайӧ энӧ сетӧй и налысь нывъяссӧ пияныдлы гӧтырӧ энӧ босьтӧй.

Софоний 1:6

бырӧда найӧс, кодъяс кежисны Меысь, оз корсьны Менӧ, оз кӧсйыны аддзыны Менӧ, Господьӧс.

Езекиль 18:24

Веськыда олысь кӧ кежас аслас веськыдлунысь да лёк вӧчысь моз пондас вӧчны зывӧксӧ, кутас-ӧ сійӧ овны? Сылысь веськыд уджъяссӧ лоӧ вунӧдӧма. Менӧ эновтӧм да мыж вӧчӧм вӧснаыс сійӧ кулас.

1 Иоан 2:9

Коді шуӧ, ме пӧ ветла югыдас, но мустӧмтӧ ассьыс воксӧ, сійӧ пемыдас на.

Римӧ 12:9

Радейтӧй восьса сьӧлӧмӧн, ылыстчӧй лёксьыс да кутчысьӧй бурас.

Иоан 6:66

Та бӧрти велӧдчысьясысь унаӧн эновтісны Сійӧс, эз нин ветлӧдлыны Сыкӧд.

Матвей 12:45

Сэки мунӧ да босьтӧ аскӧдыс сизим пеж лолӧс, ассьыс на лёкджыкъясӧс, сэсся ставныс найӧ овмӧдчӧны важ оланінас. Тайӧ мортыслы воддза дорсьыс нӧшта на лёкджык лоӧ. Тадзи жӧ лоӧ ӧнія лёк йӧзлы».

Исай 1:4

Курыд шог мыжа войтырлы! Налӧн мыжъясыс личкӧны найӧс. Курыд шог лёк вӧчысьяслӧн котырлы, тшыкӧм оласнога йӧзлы! Найӧ эновтісны Господьӧс, нинӧмӧ пуктісны Израильлысь вежа Енмӧс, дзикӧдз бергӧдчисны Сыысь.

Псалтыр 125:5

Синва сорӧн кӧдзысьяс пондасны вундыны нимкодьпырысь.

Псалтыр 36:3

Лача кут Господь вылӧ да вӧч бурсӧ, ов му вылас да видз збыльсӧ.

Ӧксыяслӧн 3 небӧг 11:4

асланыс енъяс дорӧ. Пӧрысьладорыс Соломонлӧн сьӧлӧмыс эз вӧв йитчӧма аслас Господь Енкӧд сідзи, кыдзи вӧлі Давид батьыслӧн.

Ӧксыяслӧн 3 небӧг 11:2

войтыръясысь, кодъяс йылысь Господь шуліс Израиль войтырлы: «Энӧ рӧдвужасьӧй накӧд, медым найӧ эз кежӧдны тіянӧс асланыс енъяс дорӧ». Но Соломонлы мусаӧсь вӧліны тайӧ аньясыс.

Олӧм 34:3

Сикемӧс кутіс кыскыны Яковлӧн Дина нылыс дінӧ. Дина лои муса Сикемлы, и сійӧ зілис бурасьны Динакӧд.

Олӧм 2:24

Та вӧсна морт кольӧ бать-мамсӧ да ӧтлаасьӧ гӧтырыскӧд, и тайӧ кыкыс лоӧ ӧти вир-яй».

Индӧд 7:4

Найӧ кежӧдасны пияннытӧ Господь дінысь, и пиянныд кутасны юрбитны мукӧд енъяслы. Таысь Господьлӧн скӧрлуныс ыпнитас тіян вылӧ, и Сійӧ регыдъя кадӧн бырӧдас тіянӧс.

Нав Исус 23:11

Сідзкӧ, став сьӧлӧмсяньныд радейтӧй Господьӧс, ассьыныд Ентӧ.

Ёрдысьяс 3:6

Налысь нывъяссӧ израильсаяс босьтлісны гӧтырӧ, и ассьыныс нывъяссӧ сетлісны налӧн пиян сайӧ, весиг пондісны кесъявны налӧн енъяслы.

Индӧд 6:15

медым тіян Господь Енлӧн скӧрлуныс оз ыпнит тіян вылӧ, да медым Енмыс оз бырӧд тіянӧс му вывсьыс. Ӧд Господь, тіян Енныд, коді олӧ тіян пӧвстын, вежӧгтысь Ен.

Ёрдысьяс 14:3

Бать-мамыс сылы шуисны: «Оз ӧмӧй миян чужанкотыр либӧ войтыр пӧвстысь сюр тэныд гӧтырыс? Мыйла тэ кӧсъян босьтны гӧтырӧ вундыштчытӧм филистим войтыр пӧвстысь нылӧс?» Самсон шуис батьыслы: «Босьт сійӧс меным, ӧд сійӧ меным сьӧлӧм вылӧ воис».