Нав Исус 23:10 - Коми Библия 2023

¹⁰ Тіян ӧти морт вӧтлас сюрс мортӧс, ӧд Ачыс Господь, тіян Енныд, вермасьӧ тіян вӧсна, кыдзи и кӧсйысис тіянлы.

Нав Исус 23:10 Referans Kwoze

Индӧд 32:30

Кыдзи нӧ ӧти мортыс сюрсӧс вермис вӧтлыны, а кыкӧн – дас сюрсӧс, эз кӧ Дорйысьныс вузав найӧс, эз кӧ Господь сет найӧс вӧрӧг киӧ.

Левит 26:8

Тіян пӧвстысь витыс вӧтлас сёӧс, а сёыс вӧтлас дас сюрсӧс. Вӧрӧгъясныд куласны тіян шыпурт помысь.

Индӧд 3:22

Энӧ полӧй наысь. Господь, тіян Енныд, Ачыс тышкасьӧ тіян пыдди”».

Петӧм 14:14

Ачыс Господь кутас тышкасьны тіян пыдди, а ті чӧв олӧй!»

Псалтыр 35:1

Сьылысьясӧн веськӧдлысьлы. Давидлӧн, Господьлӧн кесйӧглӧн, сьыланкыв.

Индӧд 20:4

Ӧд Господь, тіян Енныд, тышӧ петас тіянкӧд ӧтвылысь, медым тіян пыдди тышкасьны вӧрӧгныдкӧд да сетны тіянлы вермӧм”.

Римӧ 8:31

Мый та вылӧ шуам? Енмыс кӧ миян дор, коді миянлы паныд?

Псалтыр 46:7

Сьылӧй Енлы, сьылӧй! Сьылӧй миян Ӧксылы, сьылӧй!

Нав Исус 23:3

Ті аддзылінныд ставсӧ, мый Господь, тіян Енныд, вӧчис тайӧ муас олысь войтыръяслы. Господь, тіян Енныд, Ачыс тышкасис тіян вӧсна.

Ӧксыяслӧн 1 небӧг 14:6

Ионафан шуис аслас кесйӧглы: «Лок мунам тайӧ вундыштчытӧм тышкакотырыс дінӧ. Гашкӧ, Господь отсалас миянлы. Сійӧ вермӧ мездыны Ассьыс войтырсӧ уна йӧз пыр либӧ некымын морт пыр».

Нав Исус 10:42

Ӧтчыдысь уськӧдчӧмӧн сійӧ пасьвартіс тайӧ муяссӧ да налысь ӧксыяссӧ, ӧд Господь, Израильлӧн Ен, тышкасис Израиль вӧсна.

Ёрдысьяс 15:15

Самсон аддзис неважӧн на кулӧм осёллысь черлысӧ, босьтіс сійӧс киас да виис сыӧн сюрс филистимсаӧс.

Ӧксыяслӧн 2 небӧг 23:8

Давидлӧн тышкайӧзысь тӧдчанлунныс серти торъялісны куимӧн. Медтӧдчанаыс на пиысь вӧлі Тахкемонысь Ишбошет. Аслас шыӧн сійӧ ӧтчыдӧн виис вӧрӧглысь кӧкъямыссё мортӧс.

Ёрдысьяс 3:31

Эхуд бӧрся ёрдысьӧн вӧлі Шамгар, Анатлӧн пиыс. Ӧшъясӧс вӧтлан ёсь зорйӧн сійӧ виис квайтсё филистимсаӧс. Сійӧ тшӧтш мездіс Израиль войтырӧс.

Индӧд 20:3

Сійӧ мед шуас: ”Кывзы, Израиль! Талун ті петанныд тышӧ вӧрӧгныдлы паныд. Энӧ полӧй-тіралӧй наысь да энӧ майшасьӧй!

Индӧд 28:7

Господь сетас тіянлы вермыны вӧрӧгнытӧ, кодъяс сувтасны тіянлы паныд. Найӧ локтасны ӧти туйӧд, а пышъясны тіянысь сизимлаӧд.

Индӧд 32:20

– Тупка Ассьым чужӧмбанӧс наысь, – шуис Сійӧ. – Тӧда, кутшӧм лоӧ налӧн помыс. Найӧ – ылӧгас вӧйӧм йӧз, ныв-пи, кодъяслы он вермы эскыны.

Нав Исус 23:11

Сідзкӧ, став сьӧлӧмсяньныд радейтӧй Господьӧс, ассьыныд Ентӧ.

1 Каднебӧг 5:22

Унаӧс вӧлі виӧма, ӧд тышыс вӧлі Енсянь. Рувимсянь да Гадсянь чужысьяс да Манассей джын чужанкотырыс олісны вӧрӧглысь босьтӧм муын пленӧ нуӧдан кадӧдз.

Исай 30:17

Ӧти мортлӧн повзьӧдӧмысь тіян сюрс морт пышъяс, вит мортлӧн повзьӧдӧмысь ті ставныд пышъянныд. А тіян пӧвстысь колясыс лоӧ керӧс йылын сулалысь майӧг кодьӧн, мыльк йылын дӧлалысь дӧрапас кодьӧн.

Закар 12:8

Сійӧ лунӧ Господь доръяс Ерусалимын олысьясӧс, и жебъяс лоӧны Давид кодь вынаӧсь. Ерусалимын олысьяслы Давидлӧн рӧдыс лоӧ Ен кодьӧн, Господьлӧн андел кодьӧн.

Левит 26:7

Ті кутанныд вӧтлыны вӧрӧгъяснытӧ, найӧ куласны тіян шыпурт помысь.

1 Каднебӧг 5:20

Енмыс отсаліс налы да сетіс налӧн киӧ Агарсянь чужысьясӧс да на дор сулалысьясӧс. Енмыс кыліс Сы вылӧ лача кутысьяслысь кевмӧмсӧ, кор найӧ тыш дырйи шыасисны Сы дінӧ.