Нав Исус 22:9 - Коми Библия 2023

⁹ Рувим да Гад чужанкотыръяс да Манассейлӧн джын чужанкотырыс петісны Израиль войтыр дінысь Силомысь, Ханаан муысь. Найӧ мунісны гортаныс Галаад муӧ, мый найӧ босьтісны аслыныс, кыдзи Господь тшӧктіс Мӧисей пыр.

Нав Исус 22:9 Referans Kwoze

Лыд 32:29

«Гад да Рувим пиян кӧ Господь водзын босьтасны шыпуртнысӧ, медым петны тышӧ, да мунасны тіянкӧд Йӧрдан ю сайӧ, и ті кӧ босьтанныд аслыныд Ханаан му, сэки сетӧй налы Галаад мусӧ.

Лыд 32:26

Миян ныв-пиным, гӧтыръясным да став ыж-мӧсным кольччасны татчӧ, Галаад каръясӧ.

Лыд 32:1

Рувим да Гад пиянлӧн вӧлі зэв уна ыж-мӧс. Найӧ аддзисны, мый Язер да Галаад муясын эмӧсь бур йирсянінъяс.

Псалтыр 60:7

Нюжӧд ӧксылысь олан лунъяссӧ, мед сылӧн юралӧмыс лоас чужысьяссянь чужысьясӧдз,

Нав Исус 13:31

Галаад мулысь джынсӧ да Ог ӧксылысь васанса Аштарот да Эдрей каръяссӧ вӧлі сетӧма Манассейлӧн Макир пиыслӧн джын рӧдлы.

Нав Исус 13:25

Язер кар, Галаадысь став карсӧ да аммон войтырлысь джын мусӧ Ароэр карӧдз, мый сулалӧ Равва карсянь матын.

Нав Исус 13:11

нӧшта Галаад, Гешур да Маака муяс, Ермон керӧс да став Васан му Салка карӧдз.

Нав Исус 22:10

Рувим да Гад чужанкотыръяс да Манассейлӧн джын чужанкотырыс воисны Йӧрдан ю дорӧ. Сэтчӧ, Ханаан муӧ, найӧ лэптісны ыджыд висьпуктанін.

Ёрдысьяс 5:17

Галаадын олысьяс кольччисны Йӧрдан ю сайӧ, Дан чужанкотыр йӧз пыжъяс дорын пукалӧ. Асир чужанкотыр олӧ саридз бокын, кольччис ӧзын дорӧ.

Ӧксыяслӧн 2 небӧг 2:9

Сэні пуктіс сійӧс ӧксыавны Галаадын, Ашурын, Изреельын, Ефрем да Венямин чужанкотыръясын да став Израильын.

1 Каднебӧг 5:9

Асыввылын Рувимсянь чужысьяслӧн оланіныс нюжаліс овтӧминӧдз, коді помасис Ефрат ю дорын, ӧд Галаадын налӧн ыж-мӧсныс ёна рӧдмис-содіс.

Лыд 32:20

Мӧисей вочавидзис налы: «Ті кӧ вӧчанныд сідзи, кыдзи шуинныд, да Господь водзын босьтанныд шыпуртнытӧ, медым петны тышӧ,

Лыд 32:22

и сійӧ муыс лоӧ Господьлӧн кипод улын, сэки ті верманныд бӧр бергӧдчыны и онӧ лоӧй Господь водзын да Израиль водзын мыжаӧсь. Господь водзын тайӧ муыс лоӧ тіян.

Индӧд 3:18

Тайӧ чужанкотыръяслы ме шуи: ”Господь, тіян Енныд, сетіс тіянлы тайӧ мусӧ. Быдӧн, коді вермӧ петны тышӧ, мед босьтас шыпуртсӧ да мунас аслас вокъяс, Израиль пиян, водзвылын.

Индӧд 3:20

Кор Господь [Ен] тіянлы моз сетас вокъясныдлы лӧня овны, и найӧ босьтасны Йӧрдан сайысь мусӧ, мый Господь, тіян Енныд, сетас налы, сэки ті бӧр локтӧй сійӧ муас, мый ме сеті тіянлы”.

Индӧд 34:1

Мӧисей кайис Моав ласта вывсянь Нево керӧсвывса Фасга йылӧдз, мый Ериконлы воча. Сэтысянь Господь петкӧдліс сылы став мусӧ Галаадсянь Данӧдз,

Ёрдысьяс 20:1

Войвыв Дансянь лунвыв Бер-Шеваӧдз став Израиль войтыр, тшӧтш Галаад муын олысьяс, быттьӧ ӧти морт чукӧртчисны Миспаӧ Господь водзӧ.