Нав Исус 22:22 - Коми Библия 2023

²² «Господь – енъяслӧн Ен! Господь, енъяслӧн Ен тӧдӧ, и Израиль мед тӧдас. Ми кӧ Господьлы паныд кыпӧдчам да эновтам Сійӧс, мед Сійӧ талун бырӧдас миянӧс.

Нав Исус 22:22 Referans Kwoze

Ӧксыяслӧн 3 небӧг 8:39

сэки Тэ кыв найӧс енэжсяньыд, Аслад оланінсянь, да прӧстит найӧс. Тэ ӧд тӧдан быдӧнлысь сьӧлӧмсӧ, сӧмын ӧтнадӧн Тэ тӧдан мортлысь сьӧлӧмсӧ. Мынтысь быдӧнлы сылӧн уджъясыс серти,

Индӧд 10:17

Ӧд Господь, тіян Енныд, – енъяслӧн Ен да ыджыдъяслӧн Ыджыдыс. Сійӧ ыджыд, вына да повзьӧдана, Сійӧ оз видзӧд чужӧм вылӧ, козинъяс оз босьт.

Иов 10:7

Тэ ӧд тӧдан, мый ме абу мыжа, тӧдан, мый некод оз вермы мездыны менӧ Тэнад киысь.

Еремей 17:10

Ме, Господь, видзӧда мортлӧн сьӧлӧмӧ, туяла мортлысь пытшкӧссӧ, Ме мынтыся быдӧнлы сылӧн туйясыс серти, сылӧн уджъяслӧн вотӧсыс серти.

Восьтӧм 19:16

Сылӧн паськӧмас да лядьвеяс гижӧма, мый Сійӧ – ӧксыяслӧн Ӧксыыс да ыджыдъяслӧн Ыджыдыс.

Восьтӧм 2:23

Езавельлӧн челядьлы Ме мӧдӧда кулӧм. Сэки быд вичко кутас тӧдны, мый Ме эм сьӧлӧм пытшкӧс да мӧвпъяс Тӧдысь, Ме мынтыся тіянлы уджъясныд серти.

Еврейяслы 4:13

Енсьыс некод оз дзебсьы, Сылы ставыс восьса, ставыс тыдалана. Сылы ставсьыс сетам вочакыв.

1 Тимофейлы 6:16

Сійӧ ӧтнас кувлытӧм, олӧ югыдас, кытчӧ матыстчыны он вермы. Морт Сійӧс эз аддзыв, и аддзыны оз вермы. Сійӧс нимӧдӧмыс, Сылӧн ыджыдалӧмыс помтӧм. Аминь.

2 Коринфӧ 11:31

Енмыс, миян Господь Исус Кристослӧн Бать, тӧдӧ: ме ог пӧръясь. Ошкӧм Сылы нэмъяс чӧж!

2 Коринфӧ 11:11

Мыйла ог кӧсйы сьӧктӧдны тіянӧс? Гашкӧ, чайтанныд, ог радейт тіянӧс? Енмыс тӧдӧ, ті меным мусаӧсь! Но кыдзи вӧча ӧні, сідзи и водзӧ кута вӧчны.

2 Коринфӧ 5:11

Ми тӧдам, мый сэтшӧм Господьысь полӧмыс, та вӧсна зілям эскӧдны тшӧтш мукӧдсӧ. Енмыслы ми восьсаӧсь, чайтам, тіян сьӧлӧмлы тшӧтш восьсаӧсь.

Ап. уджъяс 25:11

Но ме кӧ мыжа вимӧн, ме дась кувны. Абу кӧ мыжа, мыйысь тайӧ йӧзыс мыжалӧны менӧ, сідзкӧ, некод оз вермы сетны менӧ налы. Ме кора кесарлысь мыждӧм».

Ап. уджъяс 1:24

Кевмысиганыс шуисны: «Господьӧй, Тэ быдӧнлысь тӧдан сьӧлӧмсӧ. Инды тайӧ кыксьыс Ассьыд бӧрйӧматӧ,

Иоан 21:17

Сэсся коймӧдысь юаліс: «Симон, Ионалӧн пи, муса-ӧ Ме тэныд?» Петыр шогӧ усис, мый Исус коймӧдысь юаліс, муса-ӧ Сійӧ, да вочавидзис: «Господьӧй, Тэ ставсӧ тӧдан. Тэ тӧдан, мый Тэ меным муса». Исус шуис сылы: «Йирсьӧд Менсьым ыжъясӧс.

Малакий 3:18

Сэки ті бара аддзанныд веськыда олысь да лёк вӧчысь костын торъялӧмсӧ, аддзанныд, коді кесъяліс Енмыслы, а коді эз кесъяв.

Микей 7:9

Ме мыжа Господь водзын, та вӧсна меным колӧ нуны Сылысь скӧрлунсӧ, кытчӧдз Сійӧ оз видлав менсьым мыжӧс да оз бурсьӧлӧмтчы ме дінӧ. Сэки Сійӧ петкӧдас менӧ югыдас, и ме аддза Сылысь веськыдлунсӧ.

Даниил 11:36

Войвывса ӧксы пондас вӧчны, мый кӧсъяс. Сійӧ пондас ышнясьны да пуктас асьсӧ став енъяссьыс вылӧджык на, пондас лёкӧдны-омӧльтны медыджыд Енмӧс. Сылӧн ставыс кутас артмыны, кытчӧдз оз кус Енлӧн скӧрлуныс. Ӧд мый вӧлі водзвыв шуӧма, ставыс збыльмас.

Даниил 2:47

Ӧксы шуис Данииллы: «Збыльысь, тіян Енныд – енъяслӧн Ен да ӧксыяслӧн Ыджыдыс. Сійӧ – гусятор Восьтысь, ӧд тэ вермин восьтны тайӧ гусяторсӧ».

Еремей 12:3

Господьӧй, Тэ тӧдан да аддзан менӧ, Тэ видзӧдан менам сьӧлӧмӧ да тӧдан, радейта-ӧ ме Тэнӧ. Торйӧд лёк вӧчысьясӧс начкысян лун кежлӧ, ыжъясӧс моз нуӧд найӧс начкӧм вылӧ.

Псалтыр 136:2

Ми ӧшлім ассьыным гуслияснымӧс юдорса бадьяс вылӧ.

Псалтыр 97:7

Мед шызяс саридзыс да ставыс, мый сэні эм, мед шызяс муыс да став сэні олысьыс.

Псалтыр 95:3

Висьтавлӧй войтыръяслы Сылӧн дзирдлуныс йылысь, быд войтырлы – Сылӧн шензьӧдана уджъясыс йылысь.

Псалтыр 82:1

Сьыланкыв. Асафлӧн псалом.

Псалтыр 37:6

Менам мывкыдтӧмлун вӧсна дойясӧй орзьӧмаӧсь, ӧвтӧны лёк дукӧн.

Иов 23:10

Но Сійӧ тӧдӧ менсьым туйӧс, зарниӧс моз Сійӧ тӧдмалӧ менӧ биӧн.

Ӧксыяслӧн 1 небӧг 15:23

Ӧд кывзысьтӧмлуныд тунасьӧм кодь жӧ мыж, асныралӧмыд гортса бӧлбанъяслы юрбитӧм кодь жӧ. Тэ нинӧмӧ пуктін Господьлысь шуӧмсӧ, та вӧсна Сійӧ вештіс тэнӧ [Израильын] ӧксыалӧмысь.

Петӧм 18:11

Ӧні ме тӧда, мый Господь став енсьыс ыджыд, ӧд Израиль войтырӧс Сійӧ мездіс вылӧ кыпӧдчысь египетсаяслӧн кипод улысь».

Нав Исус 22:21

Рувим да Гад чужанкотыръяс да Манассейлӧн джын чужанкотырыс вочавидзисны израильса рӧдкутысьяслы:

Псалтыр 40:9

Найӧ шуалӧны: «Кулӧмыслӧн выныс уськӧдіс сійӧс кок йывсьыс, сійӧ оз нин вермы чеччынысӧ».

Псалтыр 50:1

Сьылысьясӧн веськӧдлысьлы. Давидлӧн псалом.

Ӧксыяслӧн 1 небӧг 2:3

Энӧ ышнясьӧй асланыд сёрниясӧн, тіян вомысь мед оз петны тшап кывъяс. Ӧд Господь эм Ен, Сійӧ ставсӧ тӧдӧ, Сійӧ веситӧ уджъяснымӧс.

Иов 31:22

сэки менам сойӧй мед орас пельпомысь, менам киӧй мед чегас гырддзаӧд.