Biblia Todo Logo
Bib sou entènèt

- Piblisite -




Нав Исус 21:1 - Коми Библия 2023

1 Левий чужанкотырлӧн рӧдкутысьяс локтісны Элазар поп дінӧ, Навлӧн Исус пи да Израиль чужанкотыръяслӧн рӧдкутысьяс дінӧ.

Gade chapit la Kopi




Нав Исус 21:1
9 Referans Kwoze  

Израиль пиянлы Ханаан муысь вичмисны татшӧм муяс. Мусӧ налы юклісны Элазар поп, Навлӧн Исус пиыс да Израиль чужанкотыръяслӧн рӧдкутысьяс.


Элазар поп, Навлӧн Исус пиыс да Израиль чужанкотыръяслӧн рӧдкутысьяс пудъясьӧмӧн юклісны ставнас мусӧ Господь водзын Силомын, вежа чом пыранін дорын.


Нывъяс локтісны Элазар поп дінӧ, Навлӧн Исус пи да юралысьяс дінӧ да шуисны: «Господь тшӧктіс Мӧисейлы сетны миянлы му юкӧн, кыдзи миян рӧдысь айуловлы». Салпаадлӧн нывъяслы вӧлі сетӧма му батьныслӧн вокъяслы моз, кыдзи тшӧктіс Господь.


Ааронлӧн Элазар пиыс босьтіс гӧтырӧ Футиэллӧн нывъяс пиысь ӧтиӧс, коді чужтіс сылы Пинесӧс. Тайӧ вӧліны Левий чужанкотырлӧн рӧдкутысьяс асланыс рӧд сертиныс.


Тані лыддьӧдлӧма Израиль чужанкотыръяслысь рӧдкутысьяссӧ. Израильлӧн медводдза пиыс вӧлі Рувим. Рувимлӧн пияныс: Енок, Паллу, Хецрон да Карми. Насянь паськаліс Рувимлӧн рӧдыс.


Ёрӧма налысь скӧрлунсӧ, ӧд сійӧ вывті чорыд, ёрӧма налысь ярлунсӧ, ӧд сійӧ звер кодь лёк. Яков пиян пӧвстӧ найӧс шыблала, Израиль чужанкотыръясӧ разӧда.


Моав ласта вылын Йӧрдан ю бокын, Ериконлы воча, Господь шуис Мӧисейлы:


Кор Израиль пиянлӧн муысь кутанныд сетны левитъяслы каръяс, сэки ыджыдджык чужанкотыръяслысь босьтӧй унджыкӧс, а ичӧтджыкъяслысь – этшаджыкӧс. Быд чужанкотыр мед сетас левитъяслы каръяс аслас мулӧн ыджда серти».


Swiv nou:

Piblisite


Piblisite