Нав Исус 20:9 - Коми Библия 2023

⁹ Тайӧ каръясас вермис пышйыны быдӧн, коді мӧвпышттӧг виис мортӧс, Израиль пиян пӧвстысь-ӧ либӧ йӧз муысь локтысьяс пӧвстысь-ӧ сійӧ. Тадзи сійӧ вермис пышйыны водзӧс перйысь мортысь, медым сійӧс войтыр водзын мыждытӧг эз вины.

Нав Исус 20:9 Referans Kwoze

Лыд 35:15

Тайӧ квайтнан карас вермасны пышйыны Израиль пиян, йӧз муысь локтысьяс да тіян ордӧ овмӧдчысьяс, мӧвпышттӧг кӧ виасны мортӧс.

Нав Исус 20:6

Мед морт виысь олас тайӧ карас, кытчӧдз оз сувт ёрд водзӧ да кытчӧдз оз кув сійӧ кадас кесъялысь аркирей. Сӧмын та бӧрын морт виысьлы позьӧ бӧр локны гортас аслас карӧ, кытысь сійӧ пышйис».

Нав Исус 20:4

Коді пышъяс татшӧм карас, мед сувтас кар дзиръя дорӧ да висьтасяс карса юрнуӧдысьяслы, мый сійӧ вӧчис. Сэсся сійӧс лэдзасны карас да сетасны оланін.

Лыд 35:13

Тіян мед лоӧ квайт кар, кытчӧ вермас пышйыны морт виысь.

Нав Исус 20:8

А Йӧрдан ю сайысь, Ерикон кар асыввылысь, торйӧдісны татшӧм каръяс: Рувим чужанкотырлӧн муысь овтӧминса вывтасінын сулалысь Бецер кар, Гад чужанкотырлӧн Галаад муысь Рамот кар да Манассей чужанкотырлӧн Васан муысь Голан кар.