Нав Исус 2:19 - Коми Библия 2023

¹⁹ Коді петас тэнад керкаысь ывлаӧ, ачыс лоӧ мыжа аслас кулӧмысь, а ми мынам тэныд кыв сетӧмысь. Но миян войтырысь кӧ кодкӧ кыпӧдас кисӧ тэнад керкаын олысь вылӧ, сэки ми лоам мыжаӧсь сылӧн кулӧмысь.

Нав Исус 2:19 Referans Kwoze

Ап. уджъяс 27:31

Сэки Павел шуис сё тышкамортӧн веськӧдлысьлы да сылӧн йӧзыслы: «Найӧ кӧ оз лоны корабль вылас, ті ловйӧн онӧ кольӧй».

Ап. уджъяс 18:6

Иудейяс сувтісны Павеллы паныд, пондісны омӧльтны сійӧс. Сэки Павел паськӧмсӧ пыркнитӧмӧн шуис: «Тіян вирныд ас выланыд кольӧ, а ме сӧстӧм. Ӧні ме муна ентӧдтӧмъяс дінӧ».

Петӧм 12:23

Господь мунас Египет муӧд да виалас египетсаясӧс, но кор ӧдзӧс куричьясысь аддзас вир, Сійӧ мунас бокиті – оз лэдз бырӧдысьлы пырны тіян керкаясӧ да вины тіянӧс.

Петӧм 12:13

Тіян керкаясын паснас лоӧ вир. Ме аддза вирсӧ да бокиті муна. Ме мыжда Египет му, но тіянӧс бырӧдӧмыс оз су.

Еврейяслы 10:29

сідзкӧ, кымын пӧв чорыдджыка лоӧ мыждӧма сійӧс, коді талялӧ Енлысь Писӧ, оз лыддьы вежаӧн Енкӧд йитысь да эскысьӧс вежӧдысь вирсӧ, да нӧшта лёкӧдӧ Ловсӧ, коді восьтӧ Енлысь буралӧмсӧ.

Филипӧ 3:9

да лои Сы пытшкын веськыдӧн эг Индӧд серти уджъясӧй вӧсна, а Кристослы эскӧм вӧсна. Ӧд веськыдлунсӧ Енмыс сетӧ мортлы сӧмын Кристослы эскӧм пыр.

Ап. уджъяс 20:26

Та вӧсна талун шуа тіянлы: вошас кӧ кодкӧ туй вывсьыс, ме абу мыжа,

Матвей 24:17

Коді лоас керка вылас, мед оз пыр керкаас босьтны мыйкӧ.

Ӧксыяслӧн 3 небӧг 2:32

Господь водзын сійӧ ачыс мыжа аслас кулӧмысь, ӧд Давид батьӧйлы висьтавтӧг сійӧ виис шыпуртӧн кык мортӧс – Нирлысь Авенир писӧ, израильса тышкайӧзӧн веськӧдлысьӧс, да Етерлысь Амессай писӧ, иудаса тышкайӧзӧн веськӧдлысьӧс. Найӧ вӧліны сыысь веськыдджыкӧсь да бурджыкӧсь.

Ӧксыяслӧн 2 небӧг 1:16

А юӧр вайысьлы шуис: «Тэ ачыд мыжа аслад кулӧмысь. Ӧд тэ аслад вомӧн шуин, мый виин Господьлысь мавтыштӧмасӧ». Шыпурта бытшкис юӧр вайысьӧс, и мӧдыс куліс.

Нав Исус 2:14

Кыйӧдчысьяс шуисны сылы: «Вӧчам корӧмыд серти, а огӧ кӧ вӧчӧй, мед ми кулам тіян пыдди. Но миян йылысь некодлы энӧ висьталӧй. И кор Господь сетас миянлы тайӧ мусӧ, сэки ми лоам бур сьӧлӧмаӧсь тэ дінӧ да ассьыным кывнымӧс кутам».

Левит 20:11

Коді узяс батьыслӧн гӧтырыскӧд, сійӧ янӧдӧ батьсӧ. Найӧс кыкнаннысӧ колӧ вины, найӧ асьныс лоӧны мыжаӧсь асланыс кулӧмысь.

Левит 20:9

Коді лёкӧдас бать-мамсӧ, сійӧс мед виасны. Бать-мамсӧ лёкӧдысь ачыс лоӧ мыжа аслас кулӧмысь.

Нав Исус 2:12

Господь [асланыд Ен] водзын кыв сетӧй меным, мый лоанныд бур сьӧлӧмаӧсь батьӧйлӧн рӧдыс дінӧ, кыдзи ме вӧлі бур сьӧлӧма тіян дінӧ. Сетӧй меным эскӧдан пас,

Нав Исус 2:20

Миян йылысь кӧ тэ кодлыкӧ висьталан [либӧ кодкӧ кисӧ лэптас миян вылӧ], сэки ми мынам тэныд кыв сетӧмысь».

Петӧм 12:22

Сэсся босьтӧй китыр иссоп турун, кӧтӧдӧй дозйӧ чукӧртӧм вирнас да мавтӧй ӧдзӧсныдлысь вылыс куричсӧ да кыкнанбок куричсӧ. Тіян пӧвстысь асылӧдзыс мед некод оз пет керкасьыс ӧдзӧс саяс.