Нав Исус 18:7 - Коми Библия 2023

⁷ Левитъяслы тіян пӧвстын муыс оз ло, ӧд налӧн пайыс – кесъявны Господьлы попъясӧн. Гад да Рувим чужанкотыръяс да Манассейлӧн джын чужанкотырыс босьтісны нин му Йӧрдан асыввылысь. Налы сійӧс сетіс Мӧисей, Господьлӧн кесйӧг».

Нав Исус 18:7 Referans Kwoze

Нав Исус 13:33

Но Левий чужанкотырлы Мӧисей мусӧ эз сет. Налӧн пайыс – Господь, Израильлӧн Ен, кыдзи Сійӧ Ачыс шуис налы.

Лыд 18:20

Господь шуис Ааронлы: «Израиль муысь пайсӧ тэныд оз ло сетӧма. Ме – тэнад пайыс да тэнад юкӧныс.

Индӧд 10:9

Та вӧсна Левий чужанкотырлы вокъясыс пӧвстын мусӧ абу сетӧма. Налӧн пайыс – Господь, кыдзи шуис Господь, тіян Енныд.

Лыд 18:23

Сӧмын левитъяс мед кесъяласны вежа чом бердын да нуасны мыжнысӧ, торкасны кӧ вежаин йылысь тшӧктӧмъяссӧ. Тайӧ тшӧктӧмыс тіянлы нэмъяс кежлӧ чужысьяссянь чужысьясӧдз. Израиль пиян пӧвстын левитъяслы муыс оз ло.

Лыд 18:7

А тэ да тэнад пияныд кесъялӧй попъясӧн висьпуктанін дорын да Вежаинын ӧшалысь дӧра сайын. Попъясӧн кесъялӧмыс – Месянь козин тіянлы. Но бокыса морт кӧ матыстчас вежа чом дорӧ, сійӧс лоӧ виӧма».

Нав Исус 12:6

Мӧисей, Господьлӧн кесйӧг, да Израиль пиян пасьвартісны тайӧ ӧксыяссӧ. Мӧисей сетіс тайӧ муяссӧ Рувим да Гад чужанкотыръяслы да Манассейлӧн джын чужанкотырлы.