Нав Исус 18:16 - Коми Библия 2023

¹⁶ Сэсянь мудорыс лэччӧ керӧс горулӧдз, мый сулалӧ Бен-Хинном ковтыслы воча, Рефаим ковтыссянь войвылын. Водзӧ мудорыс лэччӧ Бен-Хинном ковтысӧд Евус лунвывладорті да воӧ Рогель ва петанінӧдз.

Нав Исус 18:16 Referans Kwoze

Ӧксыяслӧн 4 небӧг 23:10

Ӧксы пежаліс Бен-Хинном ковтысын Тофет нима висьваянін, медым йӧзыс дугдісны сэні сотны ассьыныс ныв-пинысӧ Молок идоллы.

Исай 30:33

Ассурлы важӧн нин дасьтӧма сотанін, сотӧмыс виччысьӧ тшӧтш ӧксыӧс. Джуджыд да паськыд гуын дасьтӧма уна пес, ыджыд бипур. Ыпнитысь тэгйӧс моз Господьлӧн ловшыыс ӧзтас бипурсӧ.

Еремей 32:35

Бен-Хинном ковтысын найӧ лэптісны Ваал идоллы вись ваян мылькъяс, медым сотны ассьыныс ныв-пинысӧ Молок идоллы. Но тайӧс Ме эг тшӧктывлы вӧчнысӧ, татшӧм пеж вӧчӧмыс Меным абу сьӧлӧм серти. Тадзи вӧчигӧн найӧ мыжӧ кыскисны Иуда войтырӧс.

Еремей 19:11

да шу налы, мый Господь Саваоф тадзи висьталӧ: Ме жугӧда тайӧ войтырсӧ да тайӧ карсӧ, кыдзи вӧлі жугӧдӧма гырнич вӧчысьлысь сёй гырничсӧ, мый дзоньтавны он нин вермы. Тофетӧ пондасны дзебны виӧмаясӧс, ӧд мӧдлаын местаыс оз ло.

Еремей 19:6

Та вӧсна воасны лунъяс, – висьталӧ Господь, – кор тайӧ висьваянінсӧ оз нин кутны шуны Тофетӧн да тайӧ ковтыссӧ – Бен-Хинномӧн, но кутасны шуны виалан ковтысӧн.

Еремей 19:2

Мун Гырничтор дзиръяӧд Бен-Хинном ковтысӧ да юӧрт сэні сійӧ кывъяссӧ, мый Ме висьтала тэныд.

2 Каднебӧг 33:6

Бен-Хинном ковтысын Манассей сотліс биын ассьыс пиянсӧ. Сійӧ кимӧститчис, тунасис, тшыкӧдчис да шыасьліс кулӧмаӧс корысьяс да тунасьысьяс дінӧ. Сійӧ вӧчис Господь водзын уна шогмытӧмсӧ, и тайӧн дӧзмӧдіс Господьӧс.

2 Каднебӧг 28:3

Бен-Хинном ковтысын сійӧ сотліс висьяс ылӧг енъяслы, сотліс биын ассьыс пиянсӧ, тадзи вӧчис пежсӧ войтыръяс моз, кодъясӧс Господь вӧтліс Израиль войтыр водзысь.

1 Каднебӧг 14:9

Филистимсаяс локтісны да сувтісны Рефаим ковтысӧ.

Ӧксыяслӧн 3 небӧг 1:9

Рогель ва петанінсянь матын Зохелет из дорын Адоний начкис ыжъясӧс, ӧшъясӧс да тшӧгӧдӧм куканьясӧс вись вайӧм могысь. Корис сэтчӧ ассьыс вокъяссӧ – ӧксылысь пиянсӧ – да Иуда му пасьталаысь ӧксылысь чина йӧзсӧ.

Ӧксыяслӧн 2 небӧг 17:17

Ионафанлы да Ахимааслы оз позь вӧлі мыччысьны карас, та вӧсна найӧ виччысисны юӧртысьӧс Рогель ва петанін дорын. На дінӧ локтіс кесйӧг ань да ставсӧ висьталіс налы. А найӧ тайӧ юӧрнас мунісны Давид дінӧ.

Ёрдысьяс 19:10

Но левит эз кӧсйы кольччыны, а петіс туйӧ. Воис Евус кар дорӧдз, ӧнія Ерусалим дорӧдз. Сыкӧд вӧліны нӧбъялӧм кык осёл да кесйӧг-гӧтырыс.

Ёрдысьяс 1:21

Венямин чужанкотыр эз вӧтлы Ерусалимын олысь евуссаясӧс. Найӧ ӧнӧдз олӧны Ерусалимын Венямин чужанкотыр пӧвстын.

Ёрдысьяс 1:8

Иудасянь чужысьяс уськӧдчисны Ерусалим вылӧ да босьтісны сійӧс. Сэтчӧс олысьяссӧ виисны шыпуртӧн, а карсӧ сотісны.

Нав Исус 18:28

Цела, Элеф да Евус, мӧд ногӧн кӧ, Ерусалим, Гива да Киръят каръяс – дас нёль кар да нагӧгӧрса сиктъяс. Татшӧм му вичмӧдӧма Венямин чужанкотырлӧн рӧдъяслы.

Нав Исус 15:63

Ерусалимын олысь евуссаясӧс Иуда чужанкотыр эз вермы вӧтлынысӧ, та вӧсна евуссаяс ӧнӧдз олӧны Иуда чужанкотыркӧд Ерусалимын.

Ӧксыяслӧн 2 небӧг 5:18

Филистимсаяс локтісны да сувтісны Рефаим ковтысӧ.