Нав Исус 18:10 - Коми Библия 2023

¹⁰ Силомын Исус пудъяліс мусӧ Господь водзын да юкліс сійӧс Израиль чужанкотыръяслы.

Нав Исус 18:10 Referans Kwoze

Колосӧ 1:12

Аттьӧалӧй Ен Батьӧс, ӧд Сійӧ вӧчис миянӧс шогманаясӧн, медым ми тшӧтш вермим босьтны Югыдінас вежа войтырлы вичмӧдӧмасӧ.

Ап. уджъяс 13:19

Сэсся бырӧдіс Ханаан муысь сизим войтырӧс да налысь муяссӧ юкліс миян батьяслы.

Нав Исус 18:6

А коляс мусӧ юклӧй сизим пельӧ да гижалӧй сы йылысь ставсӧ, сэсся локтӧй ме дінӧ. Ме пудъяла сійӧс тіянлы Господь Енным водзын.

Ап. уджъяс 26:18

мед восьтны налысь синсӧ да бергӧдны найӧс пемыдсьыс югыдӧ, сӧтана кипод улысь Ен дінӧ, медым Меным эскӧмӧн найӧ босьтасны мыжъясысь прӧститӧмсӧ да вежа войтырлы Енсянь вичмӧдӧмасӧ”.

Иоан 17:2

Тэ индін Питӧ ыджыдавны быдӧн вылын. Сійӧ сетас помтӧм олӧм быдӧнлы, кодӧс Тэ сетін Сылы.

Матвей 27:35

Исусӧс тувъялысьяс пудъясьӧмӧн юкисны Сылысь паськӧмсӧ.

Езекиль 48:29

Тадзи юклӧй му Израиль чужанкотыръяслы. Юклӧй сійӧс пудъясьӧмӧн, – висьталӧ Господь Ыджыдыс».

Езекиль 47:22

Тіянлы колӧ пудъясьӧмӧн юклыны мусӧ аслыныд да йӧз муысь локтысьяслы, кодъяслӧн чужасны ныв-пиныс. Тайӧ йӧзыс мед лоӧны тіянлы израильса вужвойтыр кодьӧсь жӧ. Налы мед тшӧтш вичмас му пай Израиль чужанкотыръяс пӧвстын.

Шусьӧгъяс 18:18

Ёрд водзын веськыд сійӧ, коді медводдзаӧн сёрнитӧ, но локтӧ сыкӧд вензьысь да тӧдмалӧ сійӧс.

Псалтыр 61:5

Ті мӧвпаланныд шыбитны менӧ вылісянь, сьӧлӧмнытӧ бурмӧданныд пӧръясьӧмӧн. Вомнаныд ті бурсианныд, но ас пытшканыд ёранныд.

Псалтыр 47:4

Сэні олысьяс тӧдӧны, мый Енмыс дорйӧ найӧс.

Нав Исус 19:51

Элазар поп, Навлӧн Исус пиыс да Израиль чужанкотыръяслӧн рӧдкутысьяс пудъясьӧмӧн юклісны ставнас мусӧ Господь водзын Силомын, вежа чом пыранін дорын.

Нав Исус 18:8

Му видзӧдалысьяс мӧдӧдчисны мунны. Исус тшӧктіс налы гижавны муыс йылысь. Сійӧ шуис: «Мунӧй, кытшовтӧй тайӧ мусӧ да гижалӧй сы йылысь ставсӧ, сэсся бӧр локтӧй ме дінӧ. Тані, Силомын, ме пудъяла сійӧс тіянлы Господь водзын».

Лыд 34:16

Господь шуис Мӧисейлы:

Нав Исус 18:9

Найӧ кытшовтісны мусӧ, [видзӧдалісны да] гижалісны муыс да каръясыс йылысь, юкисны мусӧ сизим пельӧ. Сэсся локтісны Исус дінӧ Силомӧ чомъяс дорӧ.

Нав Исус 18:11

Медводдза пудйыс уси Венямин чужанкотырлӧн рӧдъяслы. Налы вичмис му Иуда чужанкотыр да Ӧсип пиянлӧн чужанкотыръяс костысь.

Еремей 7:12

Мунӧй Силомӧ сійӧ местаас, мый Ме водзынджык бӧрйи Аслам нимлы оланінӧн. Видзӧдлӧй, мый Ме вӧчи Силомкӧд Менам Израиль войтырлӧн лёк вӧчӧмыс вӧсна.

Микей 2:5

Та вӧсна, кор Господьлӧн войтырыс чукӧртчас, тіянлы оз пудъявны да оз муртавны му.

Нав Исус 14:2

Мусӧ юклісны пудъясьӧмӧн ӧкмыс чужанкотырлы да [Манассейлӧн] джын чужанкотырлы, кыдзи Господь тшӧктіс Мӧисей пыр.

Нав Исус 14:5

Израиль пиян юклісны мусӧ, кыдзи Господь тшӧктіс Мӧисейлы.

Нав Исус 23:4

Ме пудъясьӧмӧн юклі тіян чужанкотыръяслы мусӧ, мый босьтім тані олысь войтыръяслысь да сійӧ войтыръяслысь, кодъясӧс ме бырӧді Йӧрдан ю рытыввывсянь Ыджыд саридзӧдз.

1 Каднебӧг 24:5

Найӧс юклісны пудъясьӧмӧн, ӧд Енлӧн вежаинын юралысьясыс вӧліны кыкнан рӧдсьыс: Элазарлӧн да Итамарлӧн рӧдысь.

Неемий 11:1

Израиль войтырлӧн юралысьяс олісны Ерусалимын. Войтырыс пудъясьӧмӧн индіс быд дасӧд мортӧс, коді овмӧдчас вежа Ерусалим карӧ, тадзи ӧкмысыс кольччис овны аслас карӧ.