Нав Исус 15:60 - Коми Библия 2023

⁶⁰ Иуда чужанкотырлы вичмисны Киръят-Ваал, мӧд ногӧн кӧ, Киръят-Ярим да Равва каръяс – кык кар да нагӧгӧрса сиктъяс.

Нав Исус 15:60 Referans Kwoze

Нав Исус 18:14

Тайӧ керӧссянь мудорыс бергӧдчӧ лунвылӧ. Рытыввыв мудорыс помасьӧ Иуда чужанкотырлӧн Киръят-Ваал кар дорын, мӧд ногӧн кӧ, Киръят-Ярим кар дорын.

Ӧксыяслӧн 1 небӧг 7:1

Киръят-Яримын олысьяс локтісны да босьтісны Господьлысь кудсӧ. Вайисны сійӧс ыб вылын сулалысь Авинадав керкаӧ. Авинадавлысь Элазар писӧ вежӧдісны да пуктісны видзны Господьлысь кудсӧ.

Нав Исус 9:17

Сэки Израиль пиян петісны туйӧ да куим лун мысти воисны налӧн Гаваон, Кефира, Берот да Киръят-Ярим каръясӧдз.

Нав Исус 15:59

Маарат, Бет-Анот да Элтекон каръяс – квайт кар да нагӧгӧрса сиктъяс. [Вичмисны Текоя, Епрафа, мӧд ногӧн кӧ, Виплием, Фагор, Этам, Кулон, Татами, Сорес, Карем, Галлим, Вефир да Манохо каръяс – дас ӧти кар да нагӧгӧрса сиктъяс.]

Нав Исус 15:61

Овтӧминысь налы вичмисны Бет-Арава, Миддин, Секака,

Ӧксыяслӧн 1 небӧг 6:21

Сэки мӧдӧдісны йӧзӧс Киръят-Яримӧ висьтавны, филистимсаяс пӧ вайисны Господьлысь кудсӧ, локтӧй пӧ да босьтӧй сійӧс аслыныд.

Нав Исус 15:9

Керӧс йывсянь мудорыс веськӧдчӧ Нефтоах ва петанінлань да Ефрон керӧсвыв каръяслань, сэсянь бергӧдчӧ Баалалань, мӧд ногӧн кӧ, Киръят-Яримлань.

1 Каднебӧг 2:50

Ставныс найӧ – Калевсянь чужысьяс. Хур вӧлі Ефрафалӧн медводдза пиыс. Хурлӧн вӧліны Шовал, Салмон да Хареф пиян. Шовал вӧлі Киръят-Яримлӧн бать, Салмон – Виплиемлӧн бать, Хареф – Бет-Гадерлӧн бать.