Нав Исус 14:12 - Коми Библия 2023

¹² Сет меным керӧсвыв мусӧ, мый йылысь сэки висьтавліс Господь. Тэ ачыд кывлін, мый сэні ыджыд да зумыд каръясын олӧ енак войтыр. Господь кӧ лоӧ мекӧд, ме вӧтла найӧс, кыдзи шуис Господь».

Нав Исус 14:12 Referans Kwoze

Еврейяслы 11:33

Эскӧмӧн найӧ тышын босьтісны йӧз муяс, ставсӧ вӧчисны веськыда, сибӧдісны Енсянь кӧсйысьӧмасӧ, лӧньӧдісны левъясӧс,

Филипӧ 4:13

Ставсӧ верма менӧ ёнмӧдысь Исус Кристоскӧд!

Лыд 13:33

Тадзи Израиль пиян пӧвстын найӧ паськӧдісны лёк сёрни муыс йылысь, кытчӧ ветлісны. Найӧ шуисны: «Муыс, кытчӧ ми ветлім, ньылыштас сэтчӧ овмӧдчысьясӧс. Став йӧзыс, кодъясӧс ми сэтысь аддзылім, вӧліны ыджыдӧсь.

Лыд 13:28

Мӧисейлы найӧ шуисны: «Ми ветлім сійӧ муас, кытчӧ миянӧс мӧдӧдлін. Сэні дзик збыльысь визувтӧ йӧв да ма. Со кутшӧм вотӧс вайим!

Римӧ 8:31

Мый та вылӧ шуам? Енмыс кӧ миян дор, коді миянлы паныд?

Нав Исус 15:14

Калев вӧтліс сэтысь Шешайӧс, Ахиманӧс да Талмайӧс – Енаксянь чужысьясӧс.

Псалтыр 44:3

Ӧксыӧй, став йӧзыс пӧвстысь тэ медся мичаыс, тэнад вомысь петӧны мелі кывъяс, та вӧсна Енмыс бурсиис тэнӧ нэмъяс кежлӧ.

2 Каднебӧг 14:11

Аса шыасис аслас Господь Ен дінӧ: «Господьӧй, Тэ верман отсавны жеблы и выналы. Господьӧй, миян Енмӧй, отсав миянлы! Ӧд Тэ вылӧ ми лача кутам, Тэнад нимӧн ми петім тайӧ лыдтӧм-тшӧттӧм йӧзыслы паныд. Господьӧй, Тэ – миян Ен. Эн лэдз мортлы вермыны Тэнӧ».

Ӧксыяслӧн 1 небӧг 14:6

Ионафан шуис аслас кесйӧглы: «Лок мунам тайӧ вундыштчытӧм тышкакотырыс дінӧ. Гашкӧ, Господь отсалас миянлы. Сійӧ вермӧ мездыны Ассьыс войтырсӧ уна йӧз пыр либӧ некымын морт пыр».

Ёрдысьяс 1:20

Калевлы сетісны Хеврон кар, кыдзи шуліс Мӧисей. [Хеврон дорысь сылы нӧшта вичмӧдісны енак войтырлысь куим кар.] Калев вӧтліс сэтысь енак войтырлысь куим рӧд.

Лыд 21:34

Господь шуис Мӧисейлы: «Эн пов сыысь. Тэнад киӧ Ме сета сійӧс, сылысь войтырсӧ да мусӧ. Пасьварт сійӧс, кыдзи тэ пасьвартін аморей войтырлысь Сигон ӧксысӧ, коді юраліс Хешбонын».

Индӧд 1:28

Кытчӧ миянлы муннысӧ? Ми повзим, кор вокъясным висьталісны, сэні пӧ йӧзыс миян дорысь унджыкӧсь да ёнӧсь, и налӧн ыджыд изкаръясыс пӧ зурасьӧны енэжӧдз. Висьталісны, весиг енак войтырӧс пӧ аддзылім”.

Ӧксыяслӧн 4 небӧг 19:4

Гашкӧ, Господь, тэнад Енмыд, кылас ассурса ӧксылӧн эскана мортлысь кывъяссӧ. Сылӧн ыджыдыс, ассурса ӧксы, мӧдӧдіс сійӧс, медым омӧльтны ловъя Енмӧс. Гашкӧ, Господь, тэнад Енмыд, мыждас сійӧс омӧльтана кывъяссьыс. Кевмысь ловйӧн кольӧмаяс вӧсна».

Индӧд 9:1

«Кывзы, Израиль! Ӧні ті вуджанныд Йӧрдан ю сайӧ, медым босьтны мусӧ войтыръяслысь, кодъяс тіян дорысь вынаӧсь да уна лыдаӧсь, кодъяслӧн ыджыд каръясыс сулалӧны зумыда да зурасьӧны енэжӧдз.

Индӧд 9:3

Талун ті тӧдмаланныд, мый Господь, тіян Енныд, мунӧ тіян водзвылын, кыдзи ставсӧ сотысь би. Сійӧ пасьвартас енак войтырӧс да сетас тіян киӧ. Ті босьтанныд налысь мусӧ да регыдъя кадӧн бырӧданныд найӧс. Тадзи висьталіс тіянлы Господь.