Нав Исус 13:33 - Коми Библия 2023

³³ Но Левий чужанкотырлы Мӧисей мусӧ эз сет. Налӧн пайыс – Господь, Израильлӧн Ен, кыдзи Сійӧ Ачыс шуис налы.

Нав Исус 13:33 Referans Kwoze

Нав Исус 18:7

Левитъяслы тіян пӧвстын муыс оз ло, ӧд налӧн пайыс – кесъявны Господьлы попъясӧн. Гад да Рувим чужанкотыръяс да Манассейлӧн джын чужанкотырыс босьтісны нин му Йӧрдан асыввылысь. Налы сійӧс сетіс Мӧисей, Господьлӧн кесйӧг».

Нав Исус 13:14

Сӧмын Левий чужанкотырлы Мӧисей эз сет мусӧ. Налӧн пайыс – висьяс, мый Израиль войтыр вайӧ Господьлы, аслас Енлы. Тадзи лӧсьӧдіс Господь. [Йӧрдан сайысь, Ериконлы воча Моав ласта вылысь Мӧисей юкліс му Израиль чужанкотыръяслы тадзи:]

Индӧд 10:9

Та вӧсна Левий чужанкотырлы вокъясыс пӧвстын мусӧ абу сетӧма. Налӧн пайыс – Господь, кыдзи шуис Господь, тіян Енныд.

Лыд 18:20

Господь шуис Ааронлы: «Израиль муысь пайсӧ тэныд оз ло сетӧма. Ме – тэнад пайыс да тэнад юкӧныс.

Нав Исус 13:32

Тайӧ муяссӧ Мӧисей юкліс Йӧрдан асыввылысь, Ериконлы воча Моав ласта вылысь.

Езекиль 44:28

Ме – попъяслӧн пайыс, Израиль муысь энӧ сетӧй налы му пай. Ме – налӧн овмӧсыс.