Нав Исус 13:3 - Коми Библия 2023

³ мый пырӧны Ханаан муӧ да паськӧдчӧны Египет мудорын визувтысь Шихор юсянь войвылӧ Экрон карӧдз. Тайӧ му вылас ыджыдалӧны филистимса вит юралысь: газаса, азотса, аскалонса, гефса да экронса юралысьяс. Сэні ыджыдалӧны тшӧтш аввейяс,

Нав Исус 13:3 Referans Kwoze

Еремей 2:18

Мый бурыс тэныд сыысь, мый тэ мунан Египетӧ, медым юны Нил юысь васӧ? Мый бурыс тэныд сыысь, мый тэ мунан Ассурӧ, медым юны Ефрат юысь васӧ?

Ёрдысьяс 3:3

Ханаан муӧ вӧлі кольӧма филистимса вит юралысьӧс да ливанса керӧсъяс вылын Ваал-Ермон керӧссянь Лево-Хаматӧдз олысь ханаансаясӧс, сидонсаясӧс да хивейясӧс.

Индӧд 2:23

Аввейяс олісны Газаӧдз паськӧдчӧм сиктъясын, но Кафторысь петӧм войтыр бырӧдіс найӧс да овмӧдчис налӧн муӧ».

Ӧксыяслӧн 1 небӧг 6:4

Йӧзыс юалісны: «Мый миянлы ыстыны Сылы мыж вештан вись пыдди?» Мӧдъясыс шуисны: «Ыстӧй зарниысь вӧчӧм вит мыль да вит зарни крыса филистимса юралысьяслӧн лыд серти. Ӧд тіянӧс да тіянлысь юралысьяснытӧ мыждӧма ӧткодя.

Нав Исус 13:13

Но израильсаяс эз вӧтлыны гешурсаясӧс да маакасаясӧс [да ханаансаясӧс], и гешурсаяс да маакасаяс ӧнӧдз олӧны израильсаяс пӧвстын.

Олӧм 10:6

Хамлӧн вӧліны Куш, Мицраим, Фут да Ханаан пиян.

Ёрдысьяс 16:5

Ань дінӧ локтісны филистимса юралысьяс да шуисны: «Тэ тӧдмав Самсоныдлысь, кытысь сылӧн ыджыд выныс, и кыдзи сійӧс позьӧ вермыны. Сэсся ми кӧрталам сійӧс, и сійӧ лоас миян киын. Таысь ми быдӧн сетам тэныд сюрс сё сикель эзысь».

Ӧксыяслӧн 1 небӧг 5:1

Енлысь кудсӧ босьтӧм бӧрын филистимсаяс вайисны сійӧс Эвен-Эзерысь Азотӧ.

Ӧксыяслӧн 3 небӧг 8:65

Сійӧ лунъясӧ Соломон став Израиль войтыркӧд пасйис гаж. Лево-Хаматсянь Египет мудорса шорӧдз израильсаяс чукӧртчисны Соломонкӧд ӧтвыв тайӧ гаж вылас. Асланыс Господь Ен водзын найӧ гажӧдчисны сизим лун чӧж, сэсся нӧшта на гажӧдчисны сизим лун – ставнас дас нёль лун. [Крам дорын найӧ сёйисны-юисны да кевмысисны Господь Ен водзын.]

Исай 23:3

Помтӧм-дортӧм ва вывті тіян карӧ вайлісны Шихорысь нянь, Нил ю дорысь быдтӧмторъяс. Тіян карныд вӧлі уна войтырлы вузасянінӧн.

Олӧм 15:18

Тайӧ лунӧ Господь кӧрталіс Ӧврамкӧд йитӧд. Господь шуис: «Египет юсянь ыджыд Ефрат юӧдз Ме сета тэсянь чужысьяслы тайӧ мусӧ,

Ӧксыяслӧн 1 небӧг 5:8

Найӧ чукӧртісны ас дінаныс филистимса став юралысьсӧ да юалісны: «Мый миянлы вӧчны Израиль Енлӧн кудйыскӧд?» Юралысьяс тшӧктісны нуны кудсӧ Гефӧ. И нуисны Израиль Енлысь кудсӧ Гефӧ.

Ӧксыяслӧн 1 небӧг 5:10

Сэтысь мӧдӧдісны Енлысь кудсӧ Экрон карӧ. Сэтчӧс олысьяс пондісны шуасьны-горзыны: «Мыйла ті вайинныд татчӧ Израиль Енлысь кудсӧ? Мед вины-бырӧдны миянӧс?»

1 Каднебӧг 13:5

Египетса Шихор ю дорсянь Лево-Хаматӧдз Давид чукӧртіс став Израиль войтырӧс, медым вайны Енлысь кудсӧ Киръят-Яримысь.