Нав Исус 12:8 - Коми Библия 2023

⁸ Юклӧм муас пырисны керӧсвыв му, рытыввыв да асыввыв керӧсбердса муяс, Йӧрдан ковтыс, овтӧмин да Негев му. Тайӧ муясын олісны хеттейяс, аморейяс, ханаансаяс, перезейяс, хивейяс да евуссаяс.

Нав Исус 12:8 Referans Kwoze

Нав Исус 11:16

Исус босьтіс тайӧ муяссӧ: керӧсвыв му, Негев да Гошен муяс, керӧсбердса му, Йӧрдан ковтыс, Израиль керӧсъяс да на бердысь му.

Нав Исус 10:40

Исус босьтіс керӧсвыв му, Негев му, нӧшта рытыввыв да асыввыв керӧсбердса муяс, виис сэтчӧс ӧксыясӧс да олысьясӧс. Исус дзикӧдз бырӧдіс став ловъя олысьсӧ, кыдзи тшӧктіс Господь, Израильлӧн Ен.

Нав Исус 9:1

Тайӧ лоӧмторъяс йывсьыс тӧдмалісны [аморейяслӧн] став ӧксыыс, кодъяс олісны Йӧрдан ю рытыввыв муын: керӧсвыв муын, керӧсбердса муын, Ыджыд саридз пӧлӧн да Ливан дорын. Тайӧ вӧліны хеттейяс, аморейяс, [гергесейяс,] ханаансаяс, перезейяс, хивейяс да евуссаяс.

Индӧд 9:1

«Кывзы, Израиль! Ӧні ті вуджанныд Йӧрдан ю сайӧ, медым босьтны мусӧ войтыръяслысь, кодъяс тіян дорысь вынаӧсь да уна лыдаӧсь, кодъяслӧн ыджыд каръясыс сулалӧны зумыда да зурасьӧны енэжӧдз.

Индӧд 7:1

«Кор Господь, тіян Енныд, вайӧдас тіянӧс сійӧ муас, кытчӧ ті мунанныд сійӧс босьтӧм могысь, сэки Сійӧ вӧтлас тіян водзысь сизим войтырӧс – хеттейясӧс, гергесейясӧс, аморейясӧс, ханаансаясӧс, перезейясӧс, хивейясӧс да евуссаясӧс. Тайӧ войтыръясыс уна лыдаӧсь, тіян дорысь ёнджыкӧсь.

Петӧм 23:23

Кор Менам анделӧй мунас тіян водзын да нуӧдас тіянӧс аморейяс, хеттейяс, перезейяс, ханаансаяс, [гергесейяс,] хивейяс да евуссаяс дінӧ, сэки Ме бырӧда найӧс [тіян водзысь].

Петӧм 3:8

Та вӧсна Ме локті мездыны найӧс египетсаяслӧн кипод улысь. Ме петкӧда найӧс сійӧ мусьыс да нуӧда бур паськыд муӧ, кӧні визувтӧ йӧв да ма, – ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ.

Олӧм 10:17

хивейяс, аркейяс, синейяс,

Олӧм 12:9

Та бӧрын Ӧврам чеччис да мӧдӧдчис Негев муӧ.

Олӧм 13:7

Ӧврамлӧн да Лотлӧн ыж-мӧс видзысьясыс кутісны зыксьыны ӧта-мӧдныскӧд. Сійӧ кадас тайӧ муас нӧшта олісны ханаансаяс да перезейяс.

Нав Исус 3:10

Сэсся шуис: «Ӧні ті тӧдмаланныд, мый тіян пӧвстын ловъя Ен, коді вӧтлас тіян водзысь ханаансаясӧс, хеттейясӧс, хивейясӧс, перезейясӧс, гергесейясӧс, аморейясӧс да евуссаясӧс.

Ёрдысьяс 1:9

Та бӧрын Иудасянь чужысьяс уськӧдчисны ханаансаяс вылӧ, кодъяс олісны керӧсвыв муын, Негевын да керӧсбердса муын.