Нав Исус 12:5 - Коми Библия 2023

⁵ Сылӧн кипод улын вӧліны Ермон керӧс, Салка кар, ставнас Васан му гешурсаяслӧн да маакасаяслӧн оланінӧдз, тшӧтш Галаад мулӧн джыныс хешбонса Сигон ӧксылӧн муӧдз.

Нав Исус 12:5 Referans Kwoze

Индӧд 3:14

Манассей чужанкотырысь Яир босьтіс Аргов му Гешур да Маака муяс дорӧдз да сетіс Васан мулы ассьыс нимсӧ. Ӧнӧдз сэтчӧс сиктъяссӧ шуӧны Яирлӧн сиктъясӧн.

Ӧксыяслӧн 1 небӧг 27:8

Аслас йӧзкӧд Давид тшӧкыда уськӧдчывліс гешурсаяс, гирзейяс да амаликъяс вылӧ. Найӧ важысянь овмӧдчылӧмаӧсь тайӧ муас, паськӧдчылӧмаӧсь Шурӧдз да весиг Египетӧдз.

Нав Исус 13:11

нӧшта Галаад, Гешур да Маака муяс, Ермон керӧс да став Васан му Салка карӧдз.

Ӧксыяслӧн 4 небӧг 25:23

Кор иудаса тышкайӧзӧн веськӧдлысьяс кылісны Гедалийӧс юралысьӧ пуктӧм йылысь, найӧ локтісны асланыс йӧзкӧд Гедалий дінӧ Миспаӧ. Веськӧдлысьясыс вӧліны: Нетанийлӧн Измаил пиыс, Карейлӧн Иоханан пиыс, Нетофаысь Танхуметлӧн Серай пиыс да Язаний, кодлӧн батьыс вӧлі Маакаысь.

Ӧксыяслӧн 2 небӧг 23:34

Маакаысь Ахасбайлӧн Элипелет пиыс, Гилоысь Ахитофеллӧн Элиам пиыс,

Ӧксыяслӧн 2 небӧг 15:8

Арам муын Гешурын олігӧн ме, тэнад кесйӧг, кыв сеті Господьлы, мый кута кесъявны Сылы, Сійӧ кӧ бӧр вайӧдас менӧ Ерусалимӧ».

Ӧксыяслӧн 2 небӧг 13:37

Авессалом пышйис [Маака муӧ] гешурса ӧксы дінӧ, Аммиудлӧн Талмай пи дінӧ, да оліс сэні куим во. Давид дыр шогсис Амнон пиыс вӧсна.

Ӧксыяслӧн 2 небӧг 3:3

Мӧд писӧ, Килавӧс, чужтіс Кармилысь Авигея, Наваллӧн вӧвлӧм гӧтырыс. Коймӧдсӧ, Авессаломӧс, чужтіс Маака, гешурса Талмай ӧксылӧн нылыс.

Нав Исус 12:1

Израиль пиян босьтісны аслыныс Йӧрдан ю сайысь став асыввыв ковтыссӧ, мый нюжӧдчӧ Арнон юсянь Ермон керӧсӧдз. Найӧ виисны сэтчӧс ӧксыясӧс.

Нав Исус 11:3

Явин ӧксы ыстіс ассьыс йӧзсӧ тшӧтш асыввылын да саридз бокын олысь ханаансаяс дінӧ, керӧсвыв муын олысь аморейяс, хеттейяс, перезейяс да евуссаяс дінӧ, тшӧтш хивейяс дінӧ, кодъяс олісны Ермон бокын Миспа муын.

1 Каднебӧг 5:11

Гадсянь чужысьяс олісны Васан муын Салка карӧдз, Рувим чужанкотырсянь рытыввылын.

Еремей 40:8

Тайӧс кылӧм бӧрын Гедалий дінӧ Миспаӧ локтісны асланыс йӧзкӧд Нетанийлӧн Измаил пиыс, Карейлӧн Иоханан да Ионафан пияныс, Танхуметлӧн Серай пиыс, Нетофаысь Эфайлӧн пияныс да Езаний, кодлӧн батьыс вӧлі Маакаысь.