Нав Исус 10:32 - Коми Библия 2023

³² Мӧд луннас Господь сетіс Лакиш кар израильсаяслӧн киӧ. Ливна карӧс моз найӧ босьтісны Лакиш кар, бырӧдісны сійӧс да виисны шыпуртӧн сэтчӧс став ловъя олысьсӧ.

Нав Исус 10:32 Referans Kwoze

Нав Исус 10:31

Ливна карысь Исус мӧдӧдчис израильса тышкайӧзкӧд Лакиш карӧ. Найӧ сувтісны карыслы воча да уськӧдчисны сы вылӧ.

Нав Исус 10:33

Тыш дырйи Лакиш карлы отсӧг вылӧ локтіс гезерса Хорам ӧксы. Но Исус вермис сійӧс да сылысь войтырсӧ [шыпуртӧн], ставнысӧ ӧтитӧг виис. Некод ловйӧн эз коль [и эз пышйы].

Исай 37:8

Ассурса ӧксылӧн эскана морт кор кыліс, мый сылӧн ӧксыыс эновтӧма Лакиш кар, мӧдӧдчис сы дінӧ. Сэки ӧксы вӧлі тышкасьӧ Ливна карлы паныд.

Петӧм 17:13

Та вӧсна Исус шыпуртӧн вермис амалик войтырӧс.

Индӧд 7:2

Но Господь, тіян Енныд, сетас найӧс тіян киӧ, и ті пасьвартанныд найӧс. Дзикӧдз бырӧдӧй найӧс. Энӧ кӧрталӧй накӧд йитӧд, энӧ лоӧй бур сьӧлӧмаӧсь на дінӧ.

Нав Исус 10:28

Тайӧ лунӧ Исус босьтіс Македа кар, шыпуртӧн виис сэтчӧс олысьясӧс да налысь ӧксысӧ. Дзикӧдз бырӧдіс став ловъя олысьсӧ. Некод ловйӧн эз коль [и эз пышйы]. Македаса ӧксылы Исус вӧчис ериконса ӧксылы моз.

Нав Исус 11:12

Исус босьтіс тшӧтш мукӧд ӧксыяслысь каръяссӧ, виис шыпуртӧн став ӧксысӧ да сэтчӧс олысьясӧс. Сійӧ дзикӧдз бырӧдіс ставнысӧ, кыдзи тшӧктіс Мӧисей, Господьлӧн кесйӧг.